Freshness Burger (Closed)

今次係小弟第一次試 Freshness Burger，感覺上呢個品牌比較接近 MOS Burger，而唔係漢堡王果種。由於位處海港城(lcx)人比較少既樓層，環境算係唔錯(仲可以睇人打機)。試左個特級雙層牛肉芝士鮮堡，牛肉比其他連鎖快餐既漢堡有完全唔同既口感，呢度既牛肉係比較滑，醬汁方面味道係恰到好處，酸瓜味道亦濃。而個人口味問題，自己其實對漢堡包D巨型蕃茄無咩好感，但撇除呢一點整體上絕對值得一試。此外，小食方面薯皮相信會比薯條好食，上面層醬幼滑到不得了。而粟米湯唔係一般西餐廳既白湯，而係粟米香味好重既湯，飲落仲有D次食粟米條，係一個驚喜。至於價錢方面其實一般，兩個餐無加大已經可以過百。可能係即叫即製既關係，等候時間會比較耐，呢一點真係有點怨言。不過環境舒適，又有梳化凳坐，叫做打返個和。總的說，呢度唔適合趕時間既人，想慢慢享受既話，不妨一試。