彩興麵點 (Closed)

今日中午去左將軍澳站附近，食一間有特色既水煮餃餃麵，店舖細細裝修有點舊，牆上貼了很多明星合照，座位狹窄好彩無乜人唔洗迫，揾左個電視位一邊睇一邊食，餐牌有飯有粥有麵有小食很多選擇，點了水煮牛肉餃餃麵中辣加杯凍奶茶，蟲草花豬膶餃餃麵加杯凍檸茶，小食麻辣豬紅，等左十分鐘，有得食啦，雖然係貴左小小，但全部都份量足夠，碗麵啲牛肉都好新鮮，麵條都ok好食，豬膶都好新鮮，豬紅都整得好味，總體來說又唔講得話好好食，算ok啦。有一樣野我覺得係好正的，就係放喺枱旁邊既沙爹醬。