天御結 (Closed)

華御結貴價版。主打做take away。並以用更優質日本食材做賣點。座落國金。明顯係target附近打工一族。同華御結一樣都係有好多飯團賣。不過就貴一截。午市有便當出售。眼見都唔少人幫襯。每個便當除左有主菜。仲有幾款配菜。試左個日式燒雞。雞肉係預製加熱。味道甜甜地唔錯。多款配菜漬物令人望落感覺好多選擇。飯粒圓渾有口感。略嫌係個飯唔太夠熱。以$100買一個便當。以location計差不多。不過以性價比計。絕對係一個貴價便當。