金城餐廳 (Moved) New Location

經同事介紹，今日去咗東大街的金城食 Lunch，而想試的，就是阿蘇推介的龍躉炒河。茶餐廳，兩個人搭枱好快有位，見到一般午餐約$40蚊有找，見碟頭算大而且有湯，都好似OK。睇下推介，發現龍躉炒河 $72、斑片炒河 $58、斑塊炒河$48。心想，龍躉應該同斑片差唔多，今次食斑片炒河先，平十幾蚊好過，遲d先試龍躉炒河。 斑片炒河 ： 炒河有打獻，是比較濕的。我覺得ok，講唔出係咪真係特別好。好少食這些較新鮮的斑片，連埋側面彈牙的魚皮，都幾有口感。間唔中食下都幾好。不過呢，龍躉炒河要再貴多十幾蚊我就未必會試，尤其我覺得炒河無必要食咁貴。連凍飲，是日消費$60。