湊湊火鍋‧茶憩 (如心廣場二期)

Open Now

Now Closed

入到嚟荃灣做嘢， 5:30已經攪掂，所以就打算食個早飯然後先返屋企。經過呢間台灣火鍋，價錢雖然唔平，但賣相都幾吸引，同埋因為太早，我哋唔係太肚餓，所以就入去試吓。餐廳裝修好靚，好舒服，佢哋有好多款湯底可以選擇，因為有小朋友嘅關係，所以我哋揀咗唔辣嘅花膠鍋。湯底非常之杰，令到你覺得好似充滿花膠咁，侍應提議你飲夠湯先，然後佢會幫你加水，就可以開始火鍋。因為湯底好杰，所以比較難滾，但係又非常容易痴底，所以記住要不停攪個湯。湯底入邊到搵到花膠，有雞肉，都幾好味，飲兩碗已經飽咗一半。我哋另外叫咗牛肉海鮮拼盤，魚皮餃，粟米，油麥菜，烏冬。牛肉一般，但係海鮮幾好味，三大一細食，我哋唔係太肚餓，ok夠飽。另外每個小朋友佢都會送一個蒸奶皇包，然後每位都會有一shot果汁冰，同埋甜品梅子啫喱。呢度裝修幾靚，但係好黑，乜都睇唔到，湯底係幾好，但係我哋叫嘅食物一般，同埋覺得價錢偏貴。