養心殿台式養生鍋 (Moved) New Location

是咁的今次聚會呢有朋友推介咗喺養心殿打邊爐，其實我哋都聽過養心殿火鍋好多次但是一路之價錢有啲貴所以一路冇嘗試。不過今次朋友教我哋話八點半之後呢，有折扣優惠所以我哋就作咗嘗試。入到去間店面好懷舊風格，個感覺好特別好似入咗古代的皇宮咁，我哋嗌咗個麻辣鍋因為可以免費添加鴨血然後再嗌咗好多其他配料其實都唔算太貴，咁多樣配料裏面我最鍾意佢嘅黑松露餃。另外佢嘅肥牛都非常之好食，我哋仲嗌咗個冰菜㖭不過冰菜就有啲貴列要成七十幾蚊一個。但係整體嚟講佢嘅食物同服務係非常之高分，最後我都係最鍾意佢嘅麻辣鍋因為有得免費添加鴨血，無限添加。