甜品工房 (Closed)

五月廿九日，女友話食完晚飯要食糖水，於是近近地黎呢間食。九點幾都已經坐滿九成。平時次次經過都排曬人響門口，怕怕。今晚早少少，唔駛等位就食下。叫左個紫葡之戀，久違了，上次食都好似起碼兩年前既事。今次就試下水準有無下降到。最好味一定係個糯米池，入面香芋味既雪糕，正。巨峰玻璃珠咬落似大粒既蟹子既口感，卜卜聲咁，幾得意。小丸子就麻麻地，有啲痴口。最後感覺個刨冰係太多，上面配料係少左，所以食到最尾淨返啲冰同水就唔飲啦。