北方餃子源 (榮華商業大廈) (Closed)

餃子算係我喜愛食物之一，感覺上較健康。今次試下呢間食評唔錯既餃子店。位處銅鑼灣與灣仔中間，唔算好就腳，附近反工就方便。門面同入面都幾新下，企理。午飯時間唔洗等位，坐位就迫左少少，同隔離果位都手肘碰住食飯，坐得並不舒適。點了…鮮肉冬菇香菜餃及煎京蔥羊肉餃鮮肉冬菇香菜餃，包得靚仔實淨，肉多但香菜冬菇份量唔夠多，而且菇香唔夠，但調味可以。如果香菜冬菇多一點的話會好少少。不過同民豐相比就差得遠啦…煎京蔥羊肉餃，都係多肉少菜，但係羊肉打得夠滑又夠油香，兼且半煎炸後餃子皮香脆可口，食到唔停得口。整體係多肉少菜，唔算太平均，而且餃子黎講，真係有D貴…！61蚊食左10隻餃，想再添食都唔敢，吾係要過100蚊落樓。