池記 (Closed)

對於池記，第一個印象係貴同埋雲吞麵好出名，但因為貴既關係，之前一直都未有機會試下佢。今日我叫左一個lunch set 就係豬軟骨雲吞麵+熱薏米水+上湯芥蘭 $99豬軟骨入味，質地都屬正常，唔錯。雲吞有3粒，細細粒，食落蝦都爽口既，但又未去到好出色果種，所以以呢個知名度黎講，有點兒名不符實啦。麵食起上黎都彈牙，蛋味就無乜，份量都好少，我相信大部份男仔都應該唔夠家啦。菜就無乜特別家啦，不過不失吧。總括黎講，呢個價錢，呢個味道同埋份量，我未必會有下一次啦。