Cow Bean (TKO Gateway) (Closed)

假日中午係商場覓食，見呢間西餐廳新開，係外面睇餐牌好似六七十蚊價錢都ok，就入咗去試食啦。點知睇個set lunch餐牌，基本上全部都一百蚊以上，Kiwi同友人都呆咗，咁今日假日可能會貴啲，而且入咗嚟就算啦，試下。盒子美國安格斯西冷牛扒。百幾蚊嘅嘢食就裝咗係個紙盒度，有啲gimmick咁，但份量唔多，薯條唔算好熱，牛扒有啲韌，唔係好值呢個價。特色雜扒。有腸，羊扒，雞扒。影得再close都唔覺份量多。可能有羊扒嘅關係比較貴，食落都唔差嘅，啲肉都幾腍，又有啲豆類伴碟食下啱啱好夠飽。嘢食唔算太差，但有店員態度麻麻，而且又唔係平，我諗我唔會試第二次。