Video
Read full review
2014-12-15
1374 views
朋友女兒生日，約好響呢間食（全因朋友認識個老細），我都係第一次黎，鋪頭細細冇乜裝修諗住是但啦，有朋友介紹應該ok, 響道食飯好似坐過山車咁，由期待到失望再到憤怒.是咁的，由於朋友既朋友識間野，所以由老細發版，間鋪所有員工都好好禮貌同招呼，見到鐵板位好似都ok,廚房所有人都係女廚師，都不以為然。期待位：由於成餐都係老細發版，所以完全唔知有咩食，亦唔知幾錢....頭2碟出現勒👏賣相都ok,老細好熱情話頭盆黎既，有鮑魚同茄子同魚同翠玉瓜，第一啖食茄子😨冇味既，可能咁岩，食個魚正常有咸味，但覺得食超市平時自己買既雪藏魚咁，翠玉瓜又係冇味，好彩個鮑魚粒都叫好少少，比罐頭果d有味，食完呢2碟我都仲諗，咁岩啫，可能之後好d之後就係唔知係蝦定龍蝦加一pat好似嘔既汁，老細即時行埋黎話係本店招牌，我食第一啖就咁既樣😰響當時我唔知果pat係咩汁，望一望隔離果位，見大家都o左咀，就知咩事，後尾上黎open rice先知係咩酒芝士汁，我肯定我完全食唔出食芝士汁，唔好講話有冇酒味，當刻只覺得個味好怪，唉。好啦轉食帶子😒唔新鮮既海鮮味，一間賣到咁貴既鐵版燒用料用到咁，不如算把啦。薑汁豬肉，鞋過我對鞋，得洋蔥好食，
朋友女兒生日，約好響呢間食（全因朋友認識個老細），我都係第一次黎，鋪頭細細冇乜裝修諗住是但啦，有朋友介紹應該ok, 響道食飯好似坐過山車咁，由期待到失望再到憤怒.
是咁的，由於朋友既朋友識間野，所以由老細發版，間鋪所有員工都好好禮貌同招呼，見到鐵板位好似都ok,廚房所有人都係女廚師，都不以為然。
期待位：
由於成餐都係老細發版，所以完全唔知有咩食，亦唔知幾錢....頭2碟出現勒👏賣相都ok,老細好熱情話頭盆黎既，有鮑魚同茄子同魚同翠玉瓜，第一啖食茄子😨冇味既，可能咁岩，食個魚正常有咸味，但覺得食超市平時自己買既雪藏魚咁，翠玉瓜又係冇味，好彩個鮑魚粒都叫好少少，比罐頭果d有味，食完呢2碟我都仲諗，咁岩啫，可能之後好d
之後就係唔知係蝦定龍蝦加一pat好似嘔既汁，老細即時行埋黎話係本店招牌，我食第一啖就咁既樣😰響當時我唔知果pat係咩汁，望一望隔離果位，見大家都o左咀，就知咩事，後尾上黎open rice先知係咩酒芝士汁，我肯定我完全食唔出食芝士汁，唔好講話有冇酒味，當刻只覺得個味好怪，唉。
好啦轉食帶子😒唔新鮮既海鮮味，一間賣到咁貴既鐵版燒用料用到咁，不如算把啦。
薑汁豬肉，鞋過我對鞋，得洋蔥好食，好經典👍
牛柳粒-食到中段，成碟野，有好熟亦都有帶生既，唔知可以講咩
我覺得佢地都有好食既野（可能因為其他真係「算把啦」既關係）成既只有呢3樣我覺得正常（係正常，我講唔出好食呢句）
1）炒烏冬-自己屋企都炒得好食，如果咁都唔好食我真係想反台
2）炒飯- 炒得乾身，有味（慘，食完之前果d冇味野，但求食到有味野已經感動，我記得當時大家只會講：呢碟有味😨慘）
3）炒什菜-菜係甜，都炒得有味，食得最多係炒什菜，真係開心定唔開心好？
放棄中：
因為呢間野乜都好細份，我地6個人實在唔夠食，但咁難食既情況下只能加送，因為冇可能轉場😤
牛仔骨-我其實想比多次機會佢，因為牛仔骨黎到好似好香咁，我一食：X ,又係鞋既，我好想行埋去同個女廚師講其實佢係味真係識炒野食，我連去food court果間平鐵板燒仲好味過佢😩
我咬左一啖就唔想再掂佢，之後佢地再叫左碟雞軟骨我相都唔想影亦都冇食😤
憤怒位：
到埋單，個女員工笑晒口話：已經折左比你地架啦老細，嘩，$18XX已經好優惠，多謝晒，每人$300，食唔飽又難食，我問點解唔去食放題，是但食間都好味過呢道😪
我永遠都唔會黎，請都唔黎
Post
