Video
Read full review
2023-04-05
663 views
泰菜一向喺香港都唔係高級菜式, 見到呢間 Sawadee Chef 價錢咁貴💰, 諗咗好耐先至夠膽去試！冇訂位, 六點幾去都要坐吧枱, 有冇咁好生意呀？🤔 好在佢啲吧枱都幾大, 張高櫈都有地方晾腳！叫咗半隻海南雞🐔同一個油飯； 海南雞做得非常之好, 味道唔錯又夠滑, 不過侍應唔記得畀三色醬。個油飯都幾好味, 亦都唔覺得油冧冧！炒泰國椰菜苗有驚喜, 惹味得嚟又爽口, 用燒熱咗嘅瓦煲裝住上, 保持熱度,食到最尾都好好食！最精彩係燒原隻鮮魷🦑, 喺吧枱坐就可以睇住師傅燒魷魚, 個open kitchen仲好靚添； 見到佢哋將魷魚鬚分開燒, 都知道應該掂, 師傅燒完直接擺喺我哋枱面, 感覺良好；魷魚燒得啱啱好, 爽口又唔靭, 少少麻辣非常惹味, 魷魚鬚燒到脆卜卜, 送飯一流！泰式船麵有啲似雜燴麵, 湯底味道好濃而且顏色紅紅地, 但就唔係平時喺泰國街頭食到嗰啲船麵嘅味道, 佢應該用咗好多材料煲, 味道高級啲有好多層次, 佢除咗有魚蛋, 仲有豬潤、豬肚、粉腸等內臟, 喺泰國食好少有咁多料！芒果糯米飯好精緻, 個樣似西式甜品, 初頭以為係雪糕😅, 芒果細細嚿！我就嫌佢啲糯米煮得太腍, $108 計起
冇訂位, 六點幾去都要坐吧枱, 有冇咁好生意呀？🤔 好在佢啲吧枱都幾大, 張高櫈都有地方晾腳！
叫咗半隻海南雞🐔同一個油飯； 海南雞做得非常之好, 味道唔錯又夠滑, 不過侍應唔記得畀三色醬。個油飯都幾好味, 亦都唔覺得油冧冧！
海南雞
$188
19 views
0 likes
0 comments
炒泰國椰菜苗有驚喜, 惹味得嚟又爽口, 用燒熱咗嘅瓦煲裝住上, 保持熱度,食到最尾都好好食！
炒泰國椰菜苗
$168
17 views
0 likes
0 comments
最精彩係燒原隻鮮魷🦑, 喺吧枱坐就可以睇住師傅燒魷魚, 個open kitchen仲好靚添； 見到佢哋將魷魚鬚分開燒, 都知道應該掂, 師傅燒完直接擺喺我哋枱面, 感覺良好；魷魚燒得啱啱好, 爽口又唔靭, 少少麻辣非常惹味, 魷魚鬚燒到脆卜卜, 送飯一流！
燒原隻魷魚
$188
16 views
0 likes
0 comments
泰式船麵有啲似雜燴麵, 湯底味道好濃而且顏色紅紅地, 但就唔係平時喺泰國街頭食到嗰啲船麵嘅味道, 佢應該用咗好多材料煲, 味道高級啲有好多層次, 佢除咗有魚蛋, 仲有豬潤、豬肚、粉腸等內臟, 喺泰國食好少有咁多料！
泰式船麵
$138
16 views
0 likes
0 comments
芒果糯米飯好精緻, 個樣似西式甜品, 初頭以為係雪糕😅, 芒果細細嚿！我就嫌佢啲糯米煮得太腍, $108 計起嚟份量真係好少！
芒果糯米飯
$108
293 views
0 likes
0 comments
個椰青真係好鬼大, 仲可以刮到好多肉出嚟食😉
椰青
$68
13 views
0 likes
0 comments
服務都算好, 侍應都會自動斟返啲水, 上菜亦都算快, 啲碗碟前衛得嚟好有東南亞特色； 總括嚟講, 食物質素、服務同環境, 都係高級貨色, 所以貴得有道理！好彩冇中伏😜
Post
