飯桶

Open Now

Now Closed

呢間兩餸飯，成日都排晒長龍，上次嚟見到個肉餅好想叫，點知俾排我前邊嘅人叫咗最尾一件，深深不忿，加上同事千叮萬囑我話好好食一定要試，咁我呢次就12:00就去買，仲諗住我自己好早到，唔使排隊，去到嘅時候就發現原來已經有10幾人排緊。其實其他地方嘅兩餸飯都係大概30幾蚊到，呢間40幾蚊其實係偏貴，但都咁多人食，一定有佢嘅理由。好啦講返啲餸，今次我叫咗咕嚕肉，豉椒豬肚，鹹蛋肉餅。鹹蛋肉餅真係好食，啲肉好紮實，又唔會太多肥豬肉，咕嚕肉都好出色，個皮係仲係脆嘅，豬肚都好食，只不過我覺得煮得太淋！整體嚟講，貴得有道理，物有所值！