龍門大酒樓 (Closed)

去到灣仔至記起唔記得去龍華買燒味,上次已經試左再興,今次就試埋灣仔另一老牌名店--龍門。炭燒叉燒:黎到龍門點可以唔要叉燒??味道帶有少少甜味,食落又有少少火炭味,味道真係唔錯,細佬鐘意今次叉燒有少少筋個種口感,佢話叉燒好食。白切雞:我覺得呢隻雞幾好味,咸度剛好,我喜愛雞胸都有味道,師傅揀左隻黃油肥雞比我,真係客氣!!燒肉:雖然買左一段時間至食,不過d皮仲係脆脆地,肉地唔太孩,都唔錯。燒鴨:大人食唔停口,大人話呢隻鴨真係幾好味,價錢雖然比較貴但貴得有道理。五點幾呢度仲有點心賣,見到有籠叉燒包,而家有d後悔無買黎試添。