堅料豬手車仔麵店

Open Now

Now Closed

食碗車仔麵要$87感覺好奇幻，不過食過之後就明白到物超所值。呢碗油麵叫咗豬手、牛脷、牛孖筋、豬腸同柚皮五個餸，飲罐汽水，盛惠$92。作為舖頭名嘅豬手炆得好入味，好有豐富骨膠原嘅感覺，好食，牛脷都煮得好林好軟熟。牛孖筋又係炆到入晒味，好正。豬腸係用豬小腸而唔係平時食到嘅豬大腸，特別煙韌有咬口，好食過豬大腸多多聲。最後係個柚皮，功夫超多嘅下欄嘢，所以出面d酒樓無乜人會做，何況係車仔麵店呢。五樣餸樣樣都好食，唔係求求其其嘅車仔麵，難得。