Video
Read full review
2012-11-25
469 views
今日，專程同細佬兩公婆去zoe食餅。慕名而去，敗興而歸﹗位於鯉景灣的Zoe較偏僻，裝潢簡約舒服，幾relax，適合小休傾偈。去到時，約一點，無咩客。我哋一行三人要了Fruit Crepe、Zoe signature cake 和Banana Chocolate Pie，再加一杯Cappuccino、Jasmine及Lemon Ginger Green Tea。整體黎講，Zoe的餅係傾向清清地、滑滑地、入口即溶的風格。不過，size太細，食兩啖就沒有了，唔算抵食！Fruit Crepe - 坦白講，只係一件普通的雜果切餅，味道和口感無咩特別，同坊間大型麵包店的出品相差無幾，但價錢貴一倍。Zoe signature cake - 香滑榛子慕絲、鬆軟海棉蛋糕和脆卜卜餅底，多重味覺享受，食落好有層次感。超正﹗^0^ 惜榛子味未見突出，相反，濃郁的牛奶味成為左主角，超香滑，肯定佢地用左靚的全脂牛奶。Banana Chocolate Pie - 餅底夠厚亦夠脆，配合香濃朱古力及上層略帶香蕉味的cream，幾滑溜可口。最教我哋失望的係佢哋d嘢飲﹗原以為熱Jasmine和Green Tea會係用壺上
位於鯉景灣的Zoe較偏僻，裝潢簡約舒服，幾relax，適合小休傾偈。去到時，約一點，無咩客。我哋一行三人要了Fruit Crepe、Zoe signature cake 和Banana Chocolate Pie，再加一杯Cappuccino、Jasmine及Lemon Ginger Green Tea。
整體黎講，Zoe的餅係傾向清清地、滑滑地、入口即溶的風格。不過，size太細，食兩啖就沒有了，唔算抵食！Fruit Crepe - 坦白講，只係一件普通的雜果切餅，味道和口感無咩特別，同坊間大型麵包店的出品相差無幾，但價錢貴一倍。
Zoe signature cake - 香滑榛子慕絲、鬆軟海棉蛋糕和脆卜卜餅底，多重味覺享受，食落好有層次感。超正﹗^0^ 惜榛子味未見突出，相反，濃郁的牛奶味成為左主角，超香滑，肯定佢地用左靚的全脂牛奶。
Banana Chocolate Pie - 餅底夠厚亦夠脆，配合香濃朱古力及上層略帶香蕉味的cream，幾滑溜可口。
最教我哋失望的係佢哋d嘢飲﹗原以為熱Jasmine和Green Tea會係用壺上的，點知，同Cappuccino一樣，全用一個高身白瓷杯﹗ Jasmine和Green Tea味道淡淡，雖唔見有茶包，但肯定係用茶包沖的普通貨色。Cappuccino味道不過不失，但個拉花，有少少失手囉……
$30杯飲品，我哋唔期望會係精品，但至少要精緻……希望店家加多少少誠意及細心，客人消費的，唔單止係產品，仲有環境及感覺。
Post
