本家韓國料理

Open Now

Now Closed

4個人去食，嗌左每人一隻醬油蟹，平均$250/隻，小貴。。。去韓國食應該平一半，不過呢度係香港無計啦可能唔多啱我食，食落口係一pat野，啲肉無彈性，定醬油蟹就係咁？利申：好少食無比較仲試左生牛肉刺身，都ok既，食唔出雪味，可以一試，但下次未必encore。泡菜餅粉漿好厚，食落成口粉，食唔到泡菜味。去呢間唔少得要食燒肉，個韓牛唔錯，有專人燒埋，不過想慢慢嘆真啲牛就無可能啦，趕收工咁光速幫你燒曬啲牛，上一碟味食完，已經燒梗其他俾你食，個牛舌都新鮮好味，肥牛就係梅梅爛爛咁。。。最後仲有個部隊鍋鍋，普普通通。埋單位位$800，抱著期望入黎，失望已回。