Cafe Hillywood (Closed)

我地一行19人預先book 左枱，諗住響呢個happy Saturday 享用一餐豐富既晚餐，不過事與願違，真係「差」「差」「差」。首先，一到步看倒餐廳竟然安排左三張分開既枱比我地，已經非常失望，雖然我地人數眾多，但完全無諗過餐廳未問過我地就自作主張，分開三張枱等我地坐。其次，食物質素就真係非常一般，卡邦尼意粉同海膽三文魚意粉味道淡而無味，卡邦尼既汁好似水一樣咁稀，份量奇小，但價錢平均需要$200以上一楪，價錢與質素成反比。如果大家想減肥又嫌錢多既話不妨一試，我諗一個女仔基本要食兩楪意粉先夠飽。而龍蝦意大利粉既龍蝦肉小得可憐，大約一隻手指公咁上下既size，我估老人家需要放大鏡先可以搵倒出黎，味道當然又係麻麻。講返飲品，叫左杯飲品「地中海」，難飲過藥水，有同行朋友話似「李斯得林漱口水」，有心挑戰既朋友可以一戰。最後，亦都係最令人不滿既一點，上菜上飲品既速度係非常非常之耐，上面叫果杯「漱口水」等左接近半個鐘先黎到，而其他意粉牛朳羊架豬鞍朳都要等大約9個字先黎到，而侍應竟然同我講「主菜唔好叫咁多，廚房會做唔切」真係荒天下之大謬。總括而言，無可能再翻炒，想試下咩叫貴格唔飽，呢間啱你心水。利申