Video
Read full review
2021-06-20
984 views
我同老婆諗住父親節，同四大長老來郊外舒舒服服食個lunch，點知六個人每位$300，食物質素同服務同茶餐廳冇乜分別。雖然有透明版格住，餐廳堅持要我哋分兩張枱，雙方父母四個人一張，我同老婆一張，疫情關係，都算啦。1. 上頭盤嘅時候，侍應就將啲沙律擺晒喺枱度，問都唔問邊個嗌咗邊個。2. 頭盤食咗兩啖就上主菜，好似好趕時間咁樣。3. 其中五個人嘅主菜上得好快，但係最後嗰個等咗好耐先至上，其他人都差唔多食晒。4. 我哋追問完最後個主菜之後，侍應上菜態度極差，又黑面又晦氣，唔單止隻碟好冇禮貌咁擺落張枱度，連佢將主菜嘅汁倒上碟嗰陣都專登倒瀉。明明見到自己倒瀉連一句sorry都冇，服務態度極差！5. 餐廳用餐時間limit左75分鐘，比市區嘅90 分鐘仲要短，想舒舒服服坐耐啲傾吓計都唔得。6. 最離譜就係我哋食咗60分鐘，仲食緊甜品、飲緊咖啡，侍應已經自動幫你買單，有心要趕你走。仲要將張單俾咗四個老人家，完全唔識做！今日係父親節lor！7. 張單我攞左，擺埋一邊，諗住飲埋啖咖啡，等四位老人家傾多陣計先至埋，點知另外一個侍應竟然10分鐘之後再攞過張單一張新嘅單過嚟俾四位老人家去埋！根本係趕客！8. 食
雖然有透明版格住，餐廳堅持要我哋分兩張枱，雙方父母四個人一張，我同老婆一張，疫情關係，都算啦。
1. 上頭盤嘅時候，侍應就將啲沙律擺晒喺枱度，問都唔問邊個嗌咗邊個。
2. 頭盤食咗兩啖就上主菜，好似好趕時間咁樣。
3. 其中五個人嘅主菜上得好快，但係最後嗰個等咗好耐先至上，其他人都差唔多食晒。
4. 我哋追問完最後個主菜之後，侍應上菜態度極差，又黑面又晦氣，唔單止隻碟好冇禮貌咁擺落張枱度，連佢將主菜嘅汁倒上碟嗰陣都專登倒瀉。明明見到自己倒瀉連一句sorry都冇，服務態度極差！
5. 餐廳用餐時間limit左75分鐘，比市區嘅90 分鐘仲要短，想舒舒服服坐耐啲傾吓計都唔得。
6. 最離譜就係我哋食咗60分鐘，仲食緊甜品、飲緊咖啡，侍應已經自動幫你買單，有心要趕你走。仲要將張單俾咗四個老人家，完全唔識做！今日係父親節lor！
7. 張單我攞左，擺埋一邊，諗住飲埋啖咖啡，等四位老人家傾多陣計先至埋，點知另外一個侍應竟然10分鐘之後再攞過張單一張新嘅單過嚟俾四位老人家去埋！根本係趕客！
8. 食物質素都唔好得去邊。大蝦意粉：隻大蝦雖然大，但係隻蝦係梅嘅。蟹肉多士：塊多士唔夠熱、完全好似冇烘過。份黑鱈魚$328，肉質有少少滑，但冇啲日本餐廳煮得咁好，而且份量好細，冇乜配菜，似個頭盤size多啲，貴夾唔飽！
9. 去廁所嘅時候趁機望出去白鷺湖度欣賞下風景，但係發覺出面嘅草地有啲垃圾、發泡膠箱等等，有啲不雅⋯
$300/位 喺新界郊區係一個極高嘅price point，如果食物質素唔係好，服務態度又差，又唔可以舒舒服服咁坐耐啲，咁我俾個premium做咩呢？？？倒不如去茶餐廳！？
餐廳想行高檔嘅路線，但係服務態度同食物質素完完全全唔配lor
Black cod
$328
15 views
0 likes
0 comments
Post
