惠 (Closed)

一入到去就有一種高尚嘅感覺，裝修好傳統好日式，有熱茶、口罩袋、濕毛巾提供。當晚食嘅係曇$1980位，雖然價錢真係幾貴下，但非常飽肚、食物質素之高，返工咁辛苦 久唔久慰勞一下自己，個人覺得係很不錯嘅享受🍶🌸唔逐一介紹，直接講最印象深刻嘅幾款！沙蝶魚(配酸汁)👉🏻 村姑我未聽過嘅品種🙈 師傅介紹話佢屬於溫帶海水魚，口感常識起嚟比其他魚嚟微得更加有嚼勁 屬偏爽口類型，不過魚味就會較為淡身，因此需要酸汁汁吊味。鮟鱇魚肝(配魚子醬、鱈魚片)👉🏻 鮟鱇魚肝有海中肥鵝肝嘅美譽，質感軟淋 滑嫩細膩、入口即化，同脆卜卜嘅鱈魚片 形成強烈對比嘅口感，配埋鹹鹹地魚子醬一次過食，幾有趣嘅體驗😛銀鱈魚(配黑松露醬)👉🏻 其實我身為黑松露嘅狂熱分子，聞到咁香松露味 已經喺心目中幫佢加咗好多分💯 個人認為充滿油脂嘅銀鱈魚做壽司🍣 係一個好名字嘅決定，因為油脂滲晒落啲飯到，令到成件事好油潤 level up晒🆙