Video
Read full review
2015-05-12
802 views
晚上八時左右, 等朋友食飯, 還有半小時, 無無聊聊, 倒底…去麥記食薯條? 還是去茶記食鮮油多好呢? 行吓行吓, 見到這間酒吧, 好大間, 裡面一個客都無…. 好神奇, 好怪異, 使我好想入去坐坐…哈哈…入去, 侍應哥哥仔問: 飲咩嘢? 我答: “生啤…. Murphy’s啦…”, 我跟住就直入廁所洗手. 出到嚟, 見哥哥仔係吧檯斟緊啤酒, 手上係杯”Edelweiss”, 佢…態度…好友善…好親切地問我: “Edelweiss啊…?”, 我比佢問一問, 停頓了半秒….答: “係呀, 係呀, ok ok…唔該..唔該..”, 哈哈… 老實講, 對我而言, 飲咩嘢, 真係無咩所謂… 哈哈… 不過…依家D年青人既記性, 同我地老人家差唔多….哈哈…..細個時, 第一次聽”Edelweiss” 這個字, 就是睇電視播”仙樂飄飄處處聞”, 家人講到這首歌的歌名. 但當時根本唔知係咩嘢. 後來讀中學時才知道Edelweiss是解“雪绒花”, 但其實都係唔知咩嘢. 後來又到再後來的後來, Join咗個間”要用刀先可以cut到”既”有線電視”, 佢長期播余詩曼拍既一個廣告, 裡面一句: “雪绒花一
晚上八時左右, 等朋友食飯, 還有半小時, 無無聊聊, 倒底…去麥記食薯條? 還是去茶記食鮮油多好呢? 行吓行吓, 見到這間酒吧, 好大間, 裡面一個客都無…. 好神奇, 好怪異, 使我好想入去坐坐…哈哈…
入去, 侍應哥哥仔問: 飲咩嘢? 我答: “生啤…. Murphy’s啦…”, 我跟住就直入廁所洗手. 出到嚟, 見哥哥仔係吧檯斟緊啤酒, 手上係杯”Edelweiss”, 佢…態度…好友善…好親切地問我: “Edelweiss啊…?”, 我比佢問一問, 停頓了半秒….答: “係呀, 係呀, ok ok…唔該..唔該..”, 哈哈… 老實講, 對我而言, 飲咩嘢, 真係無咩所謂… 哈哈… 不過…依家D年青人既記性, 同我地老人家差唔多….哈哈…..
細個時, 第一次聽”Edelweiss” 這個字, 就是睇電視播”仙樂飄飄處處聞”, 家人講到這首歌的歌名. 但當時根本唔知係咩嘢. 後來讀中學時才知道Edelweiss是解“雪绒花”, 但其實都係唔知咩嘢. 後來又到再後來的後來, Join咗個間”要用刀先可以cut到”既”有線電視”, 佢長期播余詩曼拍既一個廣告, 裡面一句: “雪绒花一樣既…… 令你….” 播既次數不下於”愛膚堅”既的士廣告, 聽到我…有時發夢都會出現…
Edelweiss啤酒, 聽講話係用”阿爾卑斯山”既泉水釀製, 我…我...意會得到…但我飲唔出…sosad… 的確係有些少香味, 但係未雪绒花?? 我程度低, 飲唔出呀, 可能有無高手飲得出…. 哈哈, 味道與其他的啤酒真有點不同, 香味中也帶些少甜. 沒有一般啤酒的澀.
坐了半小時, 友人到. 叫埋單, 原來這杯啤酒要$97, 價格也略略嚇了我一吓, 我以為一杯半公升的啤酒, 大概也只是六、七蚊左右, 竟然要成百蚊, 呢排D物價指數升得咁犀利咩….
Post
