Beerliner German Bar & Restaurant (朗豪坊) (Closed)

同男朋友約左晚上八點幾在旺角看電影，六點多來到旺角想搵舒服的地方好好嘆一陣，又見到餐廳做緊買一送一主菜優惠，就選黎依間餐廳試下德國菜。難得男朋友肯食德國菜，當然要試試最出名的德國腸同豬手。德國腸一份二百幾蚊，有八條大大小小的腸。食落無想像中甘油膩，同時都食得出腸的調味和肉類係有分別，個人最愛細細條白色的腸仔，不會過咸又好滋味。今個星期工作壓力太多，食Comfort food舒壓實在不錯。另外都有配酸椰菜同烤薯，可以中和一下油膩感，兩個人食份量偏多。登登登登～最期待的豬手登場。豬手上菜的速度吾算好快，快要食完德國腸先上。店員會先詢問你是否需要拍照，仲好好人甘擺到靚靚比你影，影完後就幫你切開。男朋友原本好抗拒食豬手因爲多數好咸，依間的豬手就一改佢既觀念，調味吾算好咸而且外皮脆卜卜，肉也很多，薯蓉份量吾多但好滑，整體而言都吾錯。因為仲係Happy hour，酒類都好抵飲。隔離好多人都叫左啤酒，我就叫左杯Mocktail，有青瓜有椰青水感覺好清新。甘既服務同質素，有買一送一的優惠就好抵食。見隔離檯叫左好多款前菜都好似好好味，下次多d朋友就會再來吃。