賀天

Open Now

Now Closed

最近發現屋企附近海天晉匯有唔少餐廳都睇落唔錯，今晚決定去賀天試下啲日本菜得唔得先！餐廳位置隔涉左少少，不過店內空間寬敞，坐得都算舒服，又設有室外座位。兩個人叫左一個套餐，幾款小食同一堆壽司，今日係星期一仲有壽司買一送一優惠添。🔸犇set就咁睇字以為係食牛，但其實係牛油果配三文魚同吞拿魚腩蓉既丼飯，味道好夾之餘仲好健康🔸蒜蓉燒廣島蠔雖然蒜蓉好多而且味道強烈，但都仲食到蠔既鮮味，就證明隻蠔好新鮮🔸蘆荀牛肉卷&燒牛舌燒物香味十足，調味岩岩好，食到食材既原汁原味🔸卷物卷物一向係我地至愛，所以叫左三款，有軟殼蟹卷、鐵火卷同和牛手卷，軟殼蟹炸到香脆可口，吞拿魚味鮮可口，和牛入口即溶。🔸壽司由於壽司有買一送一，所以我地叫左好多，有三文魚腩，帶子，金目鯛，活貝同玉子壽司，全部都食得出夠哂新鮮，由其金目鯛既魚味好香，同埋呢到既玉子同出面好唔同，食落似蛋糕咁，幾得意📍賀天📍將軍澳海天晉匯1樓