不要對我尖叫，日常茶間， (達利商業大廈) (Closed)

近期旺角分店有買一送一優惠，咁啱同朋友出開旺角，所以去咗「不要對我尖叫」嘅旺角分店買嘢飲。之前冇試過呢間店舖嘅茶飲，去到店舖，見到有好多唔同款式嘅飲品，包括氣泡茶系列、可可牛奶系列、水果茶系列、鮮奶茶系列、咖啡系列。冰量可以選擇半冰、微冰、去冰，甜度亦可選擇半糖、微糖、無糖。杯有兩個size，M同L。我哋買咗兩杯熱銷推薦嘅玫瑰鮮奶茶，冰量要微冰、甜度要微糖。另外我哋仲買咗兩杯熱銷推薦嘅提拉米蘇鮮奶茶，微冰、微糖。玫瑰鮮奶茶 M $34玫瑰味唔會太濃，但配鮮奶茶味道一般。提拉米蘇鮮奶茶 M $38奶茶上面有一層提拉米蘇奶蓋，店員建議打開杯蓋先飲奶蓋，提拉米蘇奶蓋味道唔錯，但微甜。