Video
Read full review
2006-08-27
2 views
沙翁(英文名doughnut 簡稱donut 音譯冬甩)美國傳統小食聽就聽得多不過一直都怕太甜加上本地買到既通常都油淋淋意慾不大今次冒名留肚而來總算沒有失望食完拉麵過黎已有七成半飽心諗食一個岩岩好一行到收銀檯前心大心細未知食邊款之際旁邊小姐突然邀請試食本以為只係搣少少俾你試味於是咪伸手接囉點知原來大方到係一整個原味既沙翁心中暗忖「死喇」我本來都係諗住買一個試下咁大把咋喎咁仲買唔買好呀內心一邊「試食」一邊掙扎結果都係唔好意思就咁掉頭走再買下一個corn caramel crème 一路行去等巴士一邊幹掉那個免費的原味糖霜分佈平均亦無黐埋一舊粉而且真的不算太甜和暖的感覺很易入口返到屋企沖完涼才有胃口再戰下半場朱古力加脆脆鋪面咬開仲有一層朱古力漿和一層焦糖流出可能再加上攤凍左咁就真係太甜太滯喇飽到幾乎訓唔著再買的話都會要返原味其實堂食環境都唔錯唔駛下下上café又有輕食都係銅鑼灣既好hea新選擇
美國傳統小食
聽就聽得多
不過一直都怕太甜
加上本地買到既通常都油淋淋
意慾不大
今次冒名留肚而來總算沒有失望
食完拉麵過黎已有七成半飽
心諗食一個岩岩好
一行到收銀檯前
心大心細未知食邊款之際
旁邊小姐突然邀請試食
本以為只係搣少少俾你試味
於是咪伸手接囉
點知原來大方到係一整個原味既沙翁
心中暗忖「死喇」
我本來都係諗住買一個試下咁大把咋喎
咁仲買唔買好呀
內心一邊「試食」一邊掙扎
結果都係唔好意思就咁掉頭走
再買下一個corn caramel crème
一路行去等巴士一邊幹掉那個免費的原味
糖霜分佈平均亦無黐埋一舊粉
而且真的不算太甜
和暖的感覺很易入口
返到屋企沖完涼才有胃口再戰下半場
朱古力加脆脆鋪面
咬開仲有一層朱古力漿和一層焦糖流出
可能再加上攤凍左
咁就真係太甜太滯喇
飽到幾乎訓唔著
再買的話都會要返原味
其實堂食環境都唔錯
唔駛下下上café又有輕食
都係銅鑼灣既好hea新選擇
Post