Godiva Chocolatier (Closed)

早幾日上網見到黎緊Godiva dark chocolate soft serve黑巧克力味軟雪糕有買一送一優惠，所以今日專登走去買黎食。平時要$50一支，完全唔會捨得買黎食，人生只係食過一次甘大把，當時都係買一送一，但就剩返兩溝味，未食過齋黑巧克力味既，今次終於食到啦~拎上手，外表比較令身，食落去好濃巧克力味，好食，仲有一小塊巧克力插係軟雪糕到。雪糕筒邊邊有脆脆，多左重層次，但個筒一定要配雪糕食先得，唔係本身冇咩味。見到巧克力禮盒好貴，等發左達先買啦，哈。