Video
Read full review
2011-04-06
6 views
之前響openrice買左團購coupon, $50食semi lunch buffet!打電話book位, 點知個位小姐話逢星期六日12:00呢場已經full哂, 最快要到五月先有, 宜家只係得返2點9個場! 下?! 張coupon 5月9號到期ga la wor, 玩野咩…甘星期一至五返工又無可能食到, 即係焗住食2點9個場姐…我個刻無即時book到, 因為條氣有d唔gur! 買coupon個時又無講話原來仲有一個session, 甘你定左係個個時間你就應該係做返個個時間既offer la!而唔係要d客去食第二個session, 仲要係下午茶時間!仲叫咩鬼lunch姐?雖然好嬲, 但都要食ga, 唔通哂左張coupon咩 過左幾日我再打返去book位, 今次係另一個男人聽, 我問佢係咪得返14:45個場, 佢初時話係, 但過左一陣又話其實12:30都有得book既~ 甘我梗係改book呢個時間la! 唔知係佢地溝通問題定係點, 點解佢地可以一時一樣, 一時又得一時又唔得, 唔知想點…不過我唔滿意還唔滿意, 佢地既態度係ok 既~跟住個星期六我就好期待甘同男朋友去食la! 仲以為好多
打電話book位, 點知個位小姐話逢星期六日12:00呢場已經full哂, 最快要到五月先有, 宜家只係得返2點9個場! 下?! 張coupon 5月9號到期ga la wor, 玩野咩…甘星期一至五返工又無可能食到, 即係焗住食2點9個場姐…
我個刻無即時book到, 因為條氣有d唔gur! 買coupon個時又無講話原來仲有一個session, 甘你定左係個個時間你就應該係做返個個時間既offer la!而唔係要d客去食第二個session, 仲要係下午茶時間!仲叫咩鬼lunch姐?
雖然好嬲, 但都要食ga, 唔通哂左張coupon咩 過左幾日我再打返去book位, 今次係另一個男人聽, 我問佢係咪得返14:45個場, 佢初時話係, 但過左一陣又話其實12:30都有得book既~ 甘我梗係改book呢個時間la!
唔知係佢地溝通問題定係點, 點解佢地可以一時一樣, 一時又得一時又唔得, 唔知想點…不過我唔滿意還唔滿意, 佢地既態度係ok 既~
跟住個星期六我就好期待甘同男朋友去食la! 仲以為好多人, 佢講到甘full booking, 點知只係得六/七成滿! 仲要係一直去到我地食完走個刻都係甘少人!擺明佢諗住預多d位比walk-in客la, 可惜根本無咩人食浪費哂個場~
個場都幾大, 環境好舒服, 夜晚黎睇波應該會好view又好feel!
出去攞野食先! 自助沙律都係大路既款式~我拎左粟米, 蕃茄, 薯仔沙律同龍蝦沙律~粟米同蕃茄都幾新鮮, 蕃茄一d都唔酸, 唔錯! 最鍾意薯仔沙律, 好入味, 不過食完已經飽幾成, 所以大家唔好拎甘多! 龍蝦沙律有d蟹籽響入面, 好有口感, 但唔好妄想有龍蝦la, 只係蝦黎姐, 細細舊都幾爽口
麵包都有幾款, 但我只係食左一款, 幾鬆軟,而且暖暖地幾好食!湯我都無飲到, 但望落去個樣都唔錯
睇下食咩主菜先, 竟然見到有咕嚕肉?! 好騎呢呀! 我地當然無要到, 我要左帶子瑤柱蛋白配薯條, 男朋友要左羊膝配薯蓉
我既蛋白黎先, 一黎到我同男朋友都忍唔住笑, 因為好似食緊中菜甘, 仲要有條菜心放響隔離, 好搞笑! 先食上面既帶子, 好大隻, 但食唔到帶子既鮮味… 瑤柱蛋白份量多, 蛋白頗滑, 但略嫌個汁有d鹹! 其實呢個菜應該要配飯, 但鍾意食薯條既我當然係揀返薯條la, 點知就中伏la…個薯條係就係好脆, 但係硬個隻脆, 裡面係空心完全食唔到薯仔蓉, 一d薯仔味都無! 薯條個樣好唔新鮮, 顏色好暗淡, 我男朋友話睇佢個樣似係萬年油炸出黎! 呢個薯條真係令人失望, 唔應該響一間所謂英式酒吧裡面食到
我唔食羊, 但男朋友話佢既羊膝ok, 而且好大件! 我有食過佢d薯蓉, 唔錯播, 同之前薯仔沙律個陣味幾似! 不過佢既賣相就奇怪d, 一pat野甘…
最後食甜品la, 其實已經飽左8-9成, 但我甘鍾意甜品點可以錯過呢? 款式唔多, 只係得bread pudding, 生果(西瓜, 蜜瓜), mini size朱古力蛋糕同埋有個朱古力噴泉可以蘸下西瓜同蜜瓜都好甜, 但應該浸過糖水~ 朱古力蛋糕細細粒, 可惜一d都唔好食, 好乾兼無味~ 就算蘸埋朱古力醬都唔好食~ bread pudding係全餐最好味既野食! 出面既麵包好香脆, 裡面既pudding好軟滑濕潤, 蛋味香濃, 甜度亦恰如其分! 雖然無左提子乾唔太正宗, , 但我已經好滿意了!
至於服務, 其實都ok既, 都幾有禮貌, 只係安排我地坐個個位比較僻, 好難先叫到d waiter過黎
如果呢餐係用正價黎食一定唔值, 但$50可以食到甘多野就收貨了
Post
