康蘭餅店

Open Now

Now Closed

佛誕前到長洲行下，點都要買平安包。好唔好食係其次，最重要係攞個意頭保一家平安。唔知平安包係起/發源於邊間舖、亦唔知成個長洲有幾多間舖/餅店有賣平安包。當日行嚟行去都只係見倒呢間餅店有平安包賣，臨離開長洲前走去買咗兩個個。平安包賣十蚊一個，size好似雞球大包咁上下，價錢唔係特別貴、亦唔可以話平。有四款餡：連蓉、豆沙同黑/白蔴蓉。包嘅部份比較乾同硬身，夠份量，但亦會咬到好攰。黑蔴蓉好香，而且唔太甜；豆沙餡就磨得太爛，我覺得甜咗啲。個人都條比較鍾意黑蔴蓉餡。餅店仲有其他包/餅食，不過當日人頭涌涌都係買平安包，好難睇得真仲有咩歌式餅食，唯有下次入去再幫襯過。