買得爽 (Closed)

買得爽已經開咗好幾年，最初麵包買一送一，中過伏之後無再幫襯，之後佢又學台灣出髒髒包，我無興趣試，而家又嚟古早蛋糕，大大個banner 話$30，我網上睇完食評都算ok，點知伏到一個點！🥢原味古早蛋糕 $30👎🏻👎🏻👎🏻👎🏻👎🏻去到見蛋糕其貌不揚真係唔想買，不過既然特登過到嚟，比$30唔好食都ok嘅，返到屋企再切一件睇睇同試食，果然同眼見嘅一樣，深色蛋糕口感比較硬，淺色係較軟熟，但總括嚟講蛋糕係唔鬆軟，蛋味又唔夠，甜度適中，咁嘅質素同我之前介紹過同區嘅香綿綿完全冇得比，簡直係浪費金錢，一定唔會再有下次！