Video
Read full review
2025-01-14
1443 views
有時人多聚餐，如果想食自助餐，都會揀呢度。今次餐廳喺網上推出買1送1自助午餐優惠，價格吸引，每位~$200已可享用。自助餐由1200開始。餐廳的座位一如以往都係擺得好密集、擠擁，加上放食物的長檯（除飲品、甜品外）呈一字形排開，所以人多就要慢慢排隊，哪怕只想攞少少沙律，都要安守本份排隊，頗為不便。自助餐的食物款式基本上一應俱全，有壽司、刺身、冷凍海鮮、即開生蠔、熱盤、燒烤食品、即煮粉麵、沙律冷盤、甜品、飲品等。至於有人批評土耳其烤肉冇人主理，呢點的確屬實，呢區全程冇人駐守，似係「做樣」。朋友食咗生蠔，話質素ok，只係職員開蠔速度稍慢，加上每人每次限取3隻，所以好難食得多。餐廳有幾款食物都交由專人主理，包括生蠔、刺身、土耳其烤肉、粉麵及部分甜品（如𢳂雪糕），變相量產。素食者喺自助餐亦有所選擇，但想回本就冇乜可能。沙律菜：蔬菜係大路款式，幾新鮮；紅菜頭唔錯，而第一轉拎到的欖橄就有啲古怪，毫無光澤同水分，勁乾身泰式大樹菠蘿蘋果沙律：有特色，醬汁似泰式青木瓜沙律的醬料，微辣，開胃惹味燒鮮冬菇、意大利青瓜：前者味淡，後者較好食，但唔算特別即煮粉麵：點咗烚菜、本菇，侍應執碼的份量少，因為選擇唔加湯底
自助餐由1200開始。餐廳的座位一如以往都係擺得好密集、擠擁，加上放食物的長檯（除飲品、甜品外）呈一字形排開，所以人多就要慢慢排隊，哪怕只想攞少少沙律，都要安守本份排隊，頗為不便。
自助餐的食物款式基本上一應俱全，有壽司、刺身、冷凍海鮮、即開生蠔、熱盤、燒烤食品、即煮粉麵、沙律冷盤、甜品、飲品等。至於有人批評土耳其烤肉冇人主理，呢點的確屬實，呢區全程冇人駐守，似係「做樣」。
朋友食咗生蠔，話質素ok，只係職員開蠔速度稍慢，加上每人每次限取3隻，所以好難食得多。餐廳有幾款食物都交由專人主理，包括生蠔、刺身、土耳其烤肉、粉麵及部分甜品（如𢳂雪糕），變相量產。
素食者喺自助餐亦有所選擇，但想回本就冇乜可能。
沙律菜：蔬菜係大路款式，幾新鮮；紅菜頭唔錯，而第一轉拎到的欖橄就有啲古怪，毫無光澤同水分，勁乾身
泰式大樹菠蘿蘋果沙律：有特色，醬汁似泰式青木瓜沙律的醬料，微辣，開胃惹味
燒鮮冬菇、意大利青瓜：前者味淡，後者較好食，但唔算特別
即煮粉麵：點咗烚菜、本菇，侍應執碼的份量少，因為選擇唔加湯底，所以淡而無味，要加豉油食
即磨咖啡：自助；餐廳有2部咖啡機，但只有一台供應奶啡，另一台的菜單選項係espresso/regular coffee/Americano；有食客點選奶啡時，咖啡機的鮮奶噴射式濺出，好呢hea，當時亦冇職員提供協助
甜品：款式雖多，但唔算吸引，唯一特別有迷你churros，朋友讚好食；另外推介芒果拿破倫同巴斯克芝士蛋糕，不過，巴斯克芝士蛋糕唔正宗，面層冇焦香，只係味道輕淡的芝士蛋糕，勝在「唔漏」；而各人一致唔推介各式布甸，淡味而冇特色，食落款款差唔多；至於蛋白杏仁茶雖有杏仁香，但勁似熱杏霜，沖水即食，食唔出有蛋白成分；雪糕係Haagen Dazs，共8款口味，較特別有焦糖脆脆，大路之選有比利時朱古力，而朋友則推介柚子芝士味雪糕
以$200/位考慮，當然唔期望食到高質自助餐。如果係海鮮、魚生愛好者，應該都收貨，始終價格吸引又任食；但如果唔係好大食，可能喺外面食個set lunch，質素會高啲
Post
