歐意餐廳 (Closed)

兩老婆冇事做走左去宜家比較靜既上水行街買野，行到边边地又肚餓，就走去彩園商場搵野食，見到歐意餐廳光亮簡潔好大地方就入去試下。睇下餐牌d野食價錢比較平民又多選擇。我地點左薯茸焗帶子$ 32，帶子大大粒，薯茸好creamy，芝士同白汁比例剛好，食完唔覺好漏。老公食左牛扒芝士汁撈天使麵$ 52，牛扒大大件煎得岩岩好，唔老唔鞋口，天使麵份量多，撈芝士汁好好食。我就點左鰻魚蛋包飯$ 72，蛋上面要左茄茸汁，紅紅黃黃好搶眼，食慾大增。鰻魚肉厚燒汁濃同骨唔硬，用中上等鰻魚，冇將貨就價。我地都加左$ 22轉酥皮海皇湯，酥皮好鬆脆，海皇湯好多魚肉蜆肉湯香濃。食飽飽都係二百頭，真係好低食。