Video
Read full review
2023-05-14
557 views
呢間位於沙田河畔嘅西餐家庭式小店，我同屋企人已經encore左好多次，真係好欣賞佢地嘅用心☺️頭盤冇影到，有田螺紫薯酥皮 煙三文魚 芝士迷你多士，可以揀沙律或者湯，沙律清新開胃仲有塊西班牙火腿點綴。湯方面試過蘑菇湯，南瓜湯。蘑菇湯係好香好足料又creamy嘅蘑菇湯，南瓜湯就非常濃郁香滑，帶出到南瓜嘅甜味。餐包係老闆娘自家烘焙，非常有心又整得好味，用料好又低糖，食多幾舊都唔罪惡🤣主菜方面我地今次食肉眼扒，西班牙黑毛豬鞍，軟殼蟹意粉。肉眼扒係必食之選，4成熟嘅肉眼扒完全唔會靭，豬鞍一啲都唔「鞋」又juicy，軟殼蟹意粉有驚喜，意粉係有特別炒過，好味！甜品係阿女嘅自家製，每次去都有新款，今次有巴斯克蛋糕同海鹽焦糖芝士蛋糕又係驚喜之選，甜度適中又唔會太膩，細細件啱啱好！一如既往咁好食嘅焦糖燉蛋，係我家母親大人最愛，香滑又帶點肉桂味。木糠布甸入口即溶。日後都會繼續多多支持！
頭盤冇影到，有田螺紫薯酥皮 煙三文魚 芝士迷你多士，可以揀沙律或者湯，沙律清新開胃仲有塊西班牙火腿點綴。
湯方面試過蘑菇湯，南瓜湯。蘑菇湯係好香好足料又creamy嘅蘑菇湯，南瓜湯就非常濃郁香滑，帶出到南瓜嘅甜味。
餐包係老闆娘自家烘焙，非常有心又整得好味，用料好又低糖，食多幾舊都唔罪惡🤣
主菜方面我地今次食肉眼扒，西班牙黑毛豬鞍，軟殼蟹意粉。肉眼扒係必食之選，4成熟嘅肉眼扒完全唔會靭，豬鞍一啲都唔「鞋」又juicy，軟殼蟹意粉有驚喜，意粉係有特別炒過，好味！
甜品係阿女嘅自家製，每次去都有新款，今次有巴斯克蛋糕同海鹽焦糖芝士蛋糕又係驚喜之選，甜度適中又唔會太膩，細細件啱啱好！一如既往咁好食嘅焦糖燉蛋，係我家母親大人最愛，香滑又帶點肉桂味。木糠布甸入口即溶。
日後都會繼續多多支持！
自家烘焙餐包
35 views
1 likes
0 comments
肉眼扒
40 views
1 likes
0 comments
西班牙豬鞍
27 views
2 likes
0 comments
軟殼蟹意粉
21 views
1 likes
0 comments
甜品拼盤
25 views
1 likes
0 comments
Post
