Macaroni Dessert Bar (Closed)

餐廳位於較少人去嘅何文田站附近， 如果唔係較早前有白事黎開呢頭都唔會見到呢間餐廳。餐廳內部尚算寬敞，枱同枱之間唔會太逼狹，都幾好坐。用tablet打開menu，set dinner可以自由配搭任何一款main dish，只需加$60就有，我同朋友2個食肉獸最後決定叫2個肉食做主菜，一個跟餐share食😛熊本西冷(霜降) $188 跟餐+$60 (包沙律、餐湯、甜品同餐茶)意大利巴馬火腿沙律巴馬火腿鹹香味適中，唔點黑醋汁反而仲好食，巴馬火腿都落得多，比例仲高過沙律菜。紫薯忌廉湯好少見紫薯湯，女孩子應該會鍾意呢種夢幻嘅紫色，質感唔算太杰身，唔驚飲完就飽左，忌廉味比紫薯味略為突出。熊本西冷終於到主角，第一次食熊本西冷，聽朋友講熊本牛嘅脂肪會比較多，上碟時見塊牛都幾令身，一切開D油份標曬出黎，好香口；另外熟度掌握得唔錯，裡面呈現粉紅色但又唔會標血水。燒法國春雞$168春雞外皮燒得幾靚，呈金黃色，落左香草去燒，食落薄身黎好香口。幾欣賞兩個肉食都配左大量蔬菜，有蘿蔔、西蘭花同薯仔，感覺平衡啲～栗子蛋糕最後食埋跟餐嘅甜品，擺盤同味道都唔錯。