咖哩葉

Open Now

Now Closed

呢間curry leaf 之前都食過，裝修都唔錯，暗暗地幾有情調，好有印度特色，而且有2層好闊落。menu有中英對照，就算唔明係咩菜，都可以對照英文，方便咁落單。一開始佢送左個脆烤餅既小食比我地，個餅好鬆脆，咬落有淡淡胡椒味，個醬係薄荷醬，感覺幾清新，岩媽咪口味多d。我坐底已經決定要叫naan餅食，最後叫左一個原味同蒜蓉味。一上黎個陣熱騰騰，係即叫即整，咬落外脆內軟，有淡淡發酵味道，相當唔錯。蒜蓉味好重香料味，就咁食都得。叫左naan餅當然會叫埋咖喱，我地叫左瑪沙拉咖哩雞同咖喱秋葵，但食落唔覺好辣，岩岩好而且雞肉咬落唔會太鞋口，下面既洋蔥好正，配埋食好好味，意想不到。而秋葵就不過不失，好少會食咖哩素菜，食到秋葵外硬入面滑滑地既質感，配naan餅感覺好過癮。飲品方面，我同媽咪share左壺印度奶茶，幾香滑，有淡淡香料味，同平時飲開好唔同，都幾特別。總括黎講，間中想食印度菜會再黎，下次再黎我會試下飲mango lassi。最貼心係買單個陣，送比我同媽咪一人一個口罩，好貼心，呢d時勢收口罩仲開心過收錢，值得一讚。