慶豐茶餐廳

Open Now

Now Closed

呢排真係好忙 落雨濕濕都要周圍去，今日黎到旺角，可能因為疫情關係，成條女人街嘅舖仔都冇乜點開， 可以望清楚街兩邊有啲咩食。今次我就嚟到 一間叫慶豐既茶餐廳。 其實佢就係女人街近亞皆老街入口， 門口仲有一張枱啱曬吸煙人士坐，好易認。入到去餐廳細細，都企理乾淨，仲有大電視俾食客邊食邊睇。今日我叫左佢既午餐推介，蒜蓉雞扒腸仔飯套餐。咩叫套餐？就係有埋餐湯及飲品囉。等食期間都見好多係左近返工既sales哥哥姐姐黎買外賣，証明我應該冇簡錯餐廳喇，係左近返工實知邊間好食。等左一陣飯黎喇，嘩，好大碟，移開塊雞扒，原來扒下邊仲有飯。雞扒大大塊，汁又多，完全係用份量多黎形容佢。仲有腸仔，平時茶餐廳係原條上俾你，佢地好好心機 介晒花咁，好似俾小朋友食既八爪魚腸仔咁。佢地仲好貼心俾多杯熱滾水俾你洗下食具先開始食。最尾緊係食唔晒喇，不過要 讚一讚雞扒好 嫩滑，好好食，下次經過唔知食乜喇。