Su Casa (Closed)

阿仔今日游完水，又話肚餓，學游水嗰度近國際展貿中心，就同佢去EMAX度搵食。入到Su Casa, 原來嗰度地方好大。落地玻璃，採光度好高，好光猛。入到裏面好寬敞，一張張白雲石圓檯，仲有黑白藤椅，坐得舒服。另一邊Party Room，見裏面有唔不少兒童設施，等嘢食期間，店員好好，仲俾大少入去玩咗一陣。😃由於阿仔一向大食，所以我揀咗兩個set lunch同佢食。加拿大無骨豬扒配飯個飯熱辣辣送上枱，豬扒煎得微脆又香，肉質夠厚，容易切開，啖啖肉，配埋汁食，好好味！紐西蘭牛西冷配意粉牛扒好重牛味，又夠淋，無根，切開又多肉汁，意粉彈牙，配埋汁食，好正~兩個餐最驚喜係伴碟嘅蔬菜，茄子、翠玉瓜、蕃茄到烤過，有口感又美味，連平時唔鍾意食蔬菜嘅大少都食。😁甘筍湯甘筍湯有新鮮甘筍磨製，又香又滑，熱辣辣飲，飲完成身都好暖。菠蘿有機奇亞籽綠茶最特別係呢個綠茶，有真嘅菠蘿食，飲落又唔甜，清新又解渴。臨走店員重送阿仔一個氣球，🎈同比佢扭蛋，好貼心！😊真係一間關愛兒童既親子餐廳。❤️