Video
Read full review
2018-12-11
1419 views
如果你係香港人，你會好匪夷所思呢度嘅服務差到咁仍然有咁多人幫襯！一行4人上到三樓，附近幾檯客都係內地遊客，除咗點餐嗰位哥哥，其他阿姐近乎係用呼喝嘅態度對待。上菜唔夠位擺叫你自己「拎開d野啊」，用佢話「好乾淨」既手將聖子分餸俾每位，叫佢俾我地自己黎，仲要串話有咩問題先！講真你碟餸喺廚房點樣整我唔理，拎到出嚟你用隻手同我分，真係好難令人接受！所有阿姐都係好似唔憂做，你叫佢攞小小嘢好似叫佢地去死咁，臨走時仲正，想要個外賣盒拎走個麵，有個阿姐坐係度睇緊電視，我叫佢「唔該想要個外賣盒」，佢提高8度大叫「你叫其他人拎俾你，你唔見我坐咗喺度咩！」果下真係呆左，唔講以為你係老細啊！到底我係咪食咗霸王餐所以佢要咁樣對待我？！我同佢講你咁嘅態度好差，阿姐用粗口X返我轉頭,如果你落緊場，你同我講一句而家休息緊，我唔會煩你，但你唔使一野就係喝狗咁對我，成件事佢仲要覺得佢冇錯，時候佢據理力爭同我對罵，同事叫佢收聲佢都繼續！事後問返經理，原來呢位阿姐已經係慣犯，我唔明點解咁樣嘅態度仲可以繼續留係度，定係佢哋覺得都係做遊客生意，反正用粗口鬧人都冇人識聽？！呢次嘅用餐經驗完全係匪夷所思，我以後都唔會帶親戚朋友再嚟呢度
一行4人上到三樓，附近幾檯客都係內地遊客，除咗點餐嗰位哥哥，其他阿姐近乎係用呼喝嘅態度對待。上菜唔夠位擺叫你自己「拎開d野啊」，用佢話「好乾淨」既手將聖子分餸俾每位，叫佢俾我地自己黎，仲要串話有咩問題先！講真你碟餸喺廚房點樣整我唔理，拎到出嚟你用隻手同我分，真係好難令人接受！
所有阿姐都係好似唔憂做，你叫佢攞小小嘢好似叫佢地去死咁，臨走時仲正，想要個外賣盒拎走個麵，有個阿姐坐係度睇緊電視，我叫佢「唔該想要個外賣盒」，佢提高8度大叫「你叫其他人拎俾你，你唔見我坐咗喺度咩！」果下真係呆左，唔講以為你係老細啊！到底我係咪食咗霸王餐所以佢要咁樣對待我？！我同佢講你咁嘅態度好差，阿姐用粗口X返我轉頭,如果你落緊場，你同我講一句而家休息緊，我唔會煩你，但你唔使一野就係喝狗咁對我，成件事佢仲要覺得佢冇錯，時候佢據理力爭同我對罵，同事叫佢收聲佢都繼續！
事後問返經理，原來呢位阿姐已經係慣犯，我唔明點解咁樣嘅態度仲可以繼續留係度，定係佢哋覺得都係做遊客生意，反正用粗口鬧人都冇人識聽？！
呢次嘅用餐經驗完全係匪夷所思，我以後都唔會帶親戚朋友再嚟呢度食嘢，比咗成幾千蚊簡直係一肚氣！
Post