Video
Read full review
2020-11-13
836 views
好幾年前同同事係呢間餐廳食過lunch，因為服務太差，所以一直係黑名單，拒絕再食。但最近太掛住韓國豬手既關係，見到佢有，又近公司，所以放工同朋友又再黎試下，心諗都甘多年後，服務應該有所改善吧。結果係比起當年，服務更差，簡單負分。早1星期已經訂左2人檯，今晚享受到既惡劣服務有： 1）因為餐廳2人檯已滿，我地2人去到，店員安排左張4人檯俾我地，之後有個餐廳男負責人走黎不斷要求我地換檯，解釋話full booking，但重點係根本無細檯換比我地。只係一咪叫我地由4人檯換到另一張4人檯，重複2次，甚至無理要求我地食快點，趕住要交返張檯比佢。 因為要求太無理，令人感到莫名奇妙，我地直接拒絕話應承唔到食快d，準備起身走人，心諗費事阻人發財，突然個餐廳男負責人就即刻改口話唔洗啦，算數 （註明：態度極差）。如果食客唔拒絕，就會被逼食快d。如果係因為full booking ，甘即係餐廳貪心攪到over booking..但就要客人承擔後果，可恥。最好笑係，食飽走人時，目測餐廳有一半位置係吉既，無人坐，真叫人無奈。2）茶水只係開頭俾一杯，中間時段，你想搵個人添茶簡直係痴心妄想，唔係話等一陣，轉頭，就係叫
但最近太掛住韓國豬手既關係，見到佢有，又近公司，所以放工同朋友又再黎試下，心諗都甘多年後，服務應該有所改善吧。結果係比起當年，服務更差，簡單負分。
早1星期已經訂左2人檯，今晚享受到既惡劣服務有：
1）因為餐廳2人檯已滿，我地2人去到，店員安排左張4人檯俾我地，之後有個餐廳男負責人走黎不斷要求我地換檯，解釋話full booking，但重點係根本無細檯換比我地。只係一咪叫我地由4人檯換到另一張4人檯，重複2次，甚至無理要求我地食快點，趕住要交返張檯比佢。 因為要求太無理，令人感到莫名奇妙，我地直接拒絕話應承唔到食快d，準備起身走人，心諗費事阻人發財，突然個餐廳男負責人就即刻改口話唔洗啦，算數 （註明：態度極差）。如果食客唔拒絕，就會被逼食快d。如果係因為full booking ，甘即係餐廳貪心攪到over booking..但就要客人承擔後果，可恥。最好笑係，食飽走人時，目測餐廳有一半位置係吉既，無人坐，真叫人無奈。
2）茶水只係開頭俾一杯，中間時段，你想搵個人添茶簡直係痴心妄想，唔係話等一陣，轉頭，就係叫你搵另一個待應啊姐。
3）食物好味，但明顯味精超重，食後十分口渴，加上餐廳員工唔會添茶，簡直攞命，好彩食完落到街有茶飲買
4）環境衛生差，張檯黏笠笠，餐牌又黃又多污漬
5）上茶時間慢
其實都有好處既，就係叫賣單，一叫唔洗2分鐘即出好單俾你，前後唔洗5分鐘。
果然好野，叫添茶就零反應，一個推一個，叫賣單就9秒9。好囉好囉，呢間野，可永久黑名單。
另外，發現佢地服務員對於識講韓文既食客係會好好態度，建議唔想經歷俾錢買難受既食客，最好晒出韓文功力。
覺得食碗譚仔好味道同譚仔啊姐服務超班過佢地好多既人既純分享
Post
