Video
Read full review
2015-03-21
188 views
呢間餐廳令我第一次想寫食評,原來呢間"天后串燒"連openrice都無名,但既然係同一老闆咁就一樣啦本來諗住開開心心同男朋友食一餐真係多得呢間野唔少,因為令我地有個咁"難忘+難受"既回憶以后都要小心選擇同埋學識食野都要影相為証(如果唔係俾人屈都係你問題)原本一直去天后食開都係去串夠味但係因為今曉實在太多人排隊喇所以我地先選擇入左黎呢間"天后串燒"首先,我地坐左係餐廳較入既位置<<<已經係俾人忽視既區域,因為長期嗌唔到人!!!>>>然後都知因為串燒等候時間耐,所以我地一邊傾計亦都無追單首先黎左第一碟3串串燒, 一放低我就問係咩黎呢個侍應就好遠咁叫過黎"1串牛1串羊1串牛舌"其實我地劃單時嗌左2串羊不過一食既時候發現個羊肉好鞋,我仲同男朋友講"好彩佢黎得1串姐,都唔好食既"其實一向都有影D食物相既習慣但見到佢地上檯D賣相真係無想影既意慾然后嗌左個牛肉鍋第一次食SUKIYAKI個湯底係咸既而佢跟果個白飯,男朋友一睇就知係叮出黎既總之就係難食...最后因為D野上得慢都食左成粒鐘發現仲有條秋刀魚未黎正諗住都夠飽就算喇想埋單既時候條魚就上左檯賣相,好
呢間餐廳令我第一次想寫食評,
原來呢間"天后串燒"連openrice都無名,
但既然係同一老闆咁就一樣啦
本來諗住開開心心同男朋友食一餐真係多得呢間野唔少,
因為令我地有個咁"難忘+難受"既回憶
以后都要小心選擇同埋學識食野都要影相為証(如果唔係俾人屈都係你問題)
原本一直去天后食開都係去串夠味
但係因為今曉實在太多人排隊喇
所以我地先選擇入左黎呢間"天后串燒"
首先,我地坐左係餐廳較入既位置<<<已經係俾人忽視既區域,因為長期嗌唔到人!!!>>>
然後都知因為串燒等候時間耐,所以我地一邊傾計亦都無追單
首先黎左第一碟3串串燒, 一放低我就問係咩黎呢
個侍應就好遠咁叫過黎"1串牛1串羊1串牛舌"
其實我地劃單時嗌左2串羊
不過一食既時候發現個羊肉好鞋,
我仲同男朋友講"好彩佢黎得1串姐,都唔好食既"
其實一向都有影D食物相既習慣
但見到佢地上檯D賣相真係無想影既意慾
然后嗌左個牛肉鍋
第一次食SUKIYAKI個湯底係咸既
而佢跟果個白飯,男朋友一睇就知係叮出黎既
總之就係難食...
最后因為D野上得慢都食左成粒鐘
發現仲有條秋刀魚未黎
正諗住都夠飽就算喇
想埋單既時候條魚就上左檯
賣相,好細條同好幼,都唔緊要
男朋友將佢分開2邊然後起左D骨先夾俾我食
點知我一食,條魚係又乾又鞋
未食過咁難食既秋刀魚
因為佢好明顯係OVERCOOK左
我自己BBQ燒果D都仲好食過佢
好啦,呢個時候我男朋友就話
難食到咁唔好食喇叫人取消然後埋單啦
又嗌左好耐終於嗌到人黎啦
男朋友同侍應A講條魚燒得太耐太乾想取消
侍應A反應非常快話"燒就一定係乾咖喎,你想食濕丫??無得取消咖喎"
我"其實係乾到好鞋,不如叫師父自己試下啦"
然後無幾耐又嗌左侍應B黎又話無得取消
我男朋友已經好不滿但都諗住算同佢講
"如果你地唔肯取消唔緊要,我地照埋單"
B又話"你地而家食左一半先黎取消??"
我"條魚只係翻開左,我食左一啖咋喎!!!"
然后個侍應B就好大聲咁同A講"即係佢地而家唔想買單丫??"
我"我地頭先咪講左你唔取消我地照買你係咪聽唔到丫??"
OK,到最后印左張單出黎
張單印住黎左2串羊肉串
咦~我地明明只係食左1串
同佢講啦,A竟然話"我地廚房D單出齊晒,你地係食左2串喎!!!"
我話"上檯果時我問咩黎,你地仲應我1串牛1串羊1串牛舌,咁點會食左2串丫??"
佢仲問返我係邊個拎黎,大佬,我點會記得丫
之后佢地無論如何都話唔會取消返
但我地無食過點解可以屈個客人呢???
我覺得食物質素唔夠好唔緊要
客人想取消你地咁樣態度話個客人都可以算
但係咁樣兩個一齊話返個客講大話真係第一次遇到
成件事加埋我真係接受唔左到
我同我男朋友講我要報警處理
因為同呢度D人去嗌根本就無辦法解決
然後侍應A就睇閉路電視睇下會唔會見到碟串燒既情況
但后尾又話因為我地張檯係角落唔會影得到喎
我男朋友最后一次同佢地講"單我地會照埋,但無黎過既野唔會俾錢,有問題就報警"
個侍應A聽完之后就印張單埋黎
係取消左果串既價錢
然後佢仲要好差語氣咁話"果一串錢我自己硬出黎啦!"
下??!!!取消左都仲要你硬出黎
我無食過關我咩事丫???
呢間野既態度可以令個客人食到一肚氣
仲可以屈個客人一次又一次
根本無服務可言,點樣開門口做生意呢??
我最後終於明白點解呢間無人等!!!!
真心希望所有想幫襯既人唔好入去
唔想再有其他受害者!!!
Other Info. :
一間餐廳食物好唔好食都係其次
但係個老闆請著呢D員工就真係幫自己倒米
又黑面又啤又態度惡劣
呢D唔係叫服務員因為佢地根本唔識咩叫服務
如果佢遇著D又惡又兇既客人係咪都仲會咁屈人地呢???
(The above review is the personal opinion of a user which does not represent OpenRice's point of view.)
Post