阿夫利拉麵 (The ONE)

Open Now

Now Closed

從未遇過一間正宗日式餐廳啲服務態度可以咁差！明明要客人響門口部自助點餐機度落單，個待應大可以同你講個枱號，點完餐再入去坐底。但係個待應死都要我哋入去坐低咗先，以為可以用手機點餐啦… 點知佢嗰陣先肯講個枱號係幾多，跟住叫你出返去部自助點餐機度落單！跟住明明匯豐信用卡做緊9折，咁我點餐嗰陣問個待應洗唔洗響部點餐機度入code啦… 但條友好串咁話：「我唔會知㗎喎，其他客人係匯豐特選客戶先有coupon，你show到張coupon我咪做俾你囉！」咁我上返匯豐個website，剩係見到所有信用卡都有折，都冇話要coupon！我show個網頁俾個待應睇，佢先話你show到呢個website就得㗎啦！我即刻講，呢個係website嚟咋喎，邊係coupon呀？只要用匯豐信用卡俾錢就得㗎啦？佢仲要死撐話總之你要show到呢個website出嚟先得…總之呢餐真係貼錢買難受！唔會有下次！