Video
Read full review
2016-06-12
781 views
蜜友嘅法國男朋友就快生日啦，佢上網搜集左好多法國餐廳既資料，希望俾個生日驚喜佢。但係香港好多法國餐廳其實又唔係法國大廚炮製，有啲菜式又偏向港式口味，或者過於普通，我地其實都唔知正宗法國既fine dinner 係點，所以俾唔到提議。尤其是佢男朋友係法國人，一定要求高。最後佢揀定咗 La Saison by Jacques Barnachon. 一來係由法國有名既大廚負責，而且全為季節性創作料理，三來擁有米芝蓮榮譽，食客好評如潮。四來環境高檔有氣氛，所以佢對自己既選擇充滿信心。為咗百無一失，我哋今日就約咗嚟呢度試吓菜先。一黎了解下個Menu有咩食，二來我女朋友對今次嘅約會好緊張，驚到時黎到唔識唔識叫菜會失禮，所以今晚約埋嚟，自己嘆翻一次先。聽佢介紹完呢間餐廳嘅背景，我都非常之有興趣，講唔定遲啲到我約會時，我都可以揀呢間餐廳為首選。從餐廳嘅專用電梯直上到達餐廳門口，一邊係雪茄室，另一邊嘅就係餐廳了。步入餐廳，豪華嘅氣派、優雅嘅燈光，真誠既服務，令人有如貴賓嘅虛榮感。一坐底，店長就介紹今季既菜式由Executive Chef , Florian Muller 所創作，並聽從我地中意食咩菜式，
但係香港好多法國餐廳其實又唔係法國大廚炮製，有啲菜式又偏向港式口味，或者過於普通，我地其實都唔知正宗法國既fine dinner 係點，所以俾唔到提議。尤其是佢男朋友係法國人，一定要求高。最後佢揀定咗 La Saison by Jacques Barnachon.
一來係由法國有名既大廚負責，而且全為季節性創作料理，三來擁有米芝蓮榮譽，食客好評如潮。四來環境高檔有氣氛，所以佢對自己既選擇充滿信心。
為咗百無一失，我哋今日就約咗嚟呢度試吓菜先。一黎了解下個Menu有咩食，二來我女朋友對今次嘅約會好緊張，驚到時黎到唔識唔識叫菜會失禮，所以今晚約埋嚟，自己嘆翻一次先。
聽佢介紹完呢間餐廳嘅背景，我都非常之有興趣，講唔定遲啲到我約會時，我都可以揀呢間餐廳為首選。
從餐廳嘅專用電梯直上到達餐廳門口，一邊係雪茄室，另一邊嘅就係餐廳了。
步入餐廳，豪華嘅氣派、優雅嘅燈光，真誠既服務，令人有如貴賓嘅虛榮感。
一坐底，店長就介紹今季既菜式由Executive Chef , Florian Muller 所創作，並聽從我地中意食咩菜式，佢好樂意為我地推介相關美食。佢咁貼心嘅服務正合我地心意。因為我哋今日黎嘅其中一個目的，就係好好了解呢度究竟食啲乜野，同埋學吓法國菜嘅特色，原本以為餐單上只會有法文加英文嘅菜名，好彩佢哋都有埋中文介紹，令我地選菜式時冇咁尷尬。
我決定先黎個靚湯做頭盤吧。係選擇嘅時候先問一問店長既介紹。女友順便都問下每道菜用咩食材同做法，等下次同男友黎都有的話題。
店長話佢地呢度嘅龍蝦湯，係法國大廚用最少兩日時間所創造，龍蝦湯為左做到原汁原味，啖啖精華，係經過過濾壓縮再過濾，務求每啖湯都濃郁而清徹，沒有一點一滴既雜質。
啖啖都係心血，配上香煎鴨肝呢道矜貴嘅食材，一聽到我已經急不及待order呢一款頭盤。
Pan Fried Foie Grab HK 368
香煎鴨肝及水晶灣藍殼蝦配八角蝦清湯，HK 368 係超值的價錢。
上枱時，肥美而大件既鴨肝成焦點。
跟住，店員把啖啖精華既蝦湯慢慢注入碟中，好中意呢個 presentation !
呢個八角蝦湯同我哋平時飲嘅龍蝦湯，質感同口味完全唔同。水晶灣藍殼蝦係夏季當造之海鮮，身處無污染既水晶灣，可以品嚐到呢度巧手名菜，真係幸福。香煎鴨肝煎得不油不膩，外脆內軟。肉質較鵝肝清爽，香滑無甘油膩。
選取八角蝦做湯底係因為八角蝦較清甜，做湯能發揮最鮮蝦味，加上八角蝦同樣 為夏季當造，你所當然成為大廚的選材了。由於飲過頭啖湯嘅震撼，主菜方面，我再encore 以藍龍蝦及鴨肝及龍蝦湯為主材料既Pan Fried Blue Lobster HK 588
難得既美食係百食不厭既。雖然主材料類似，但係烹調出來的菜式又有另一種唔同嘅配搭同口味。呢個就係創意料理嘅魔術。
大廚香煎藍龍蝦，令其口感脆而鮮甜。再將鴨肝切碎配燉蛋，两者都係以滑溜取勝，double effect , 再加上生菜平衡味覺，誰也不搶誰既風頭。最後龍蝦湯更加係畫龍點睛既佳作，也成為整道菜既靈魂。請教左店長佢嘅做法，佢話個龍蝦汁係由十幾斤龍蝦經過烹飪、過濾湯渣、再精煮、再過濾等複雜既程序，最後濃縮到十分一份量既龍蝦汁精華先至上碟，所以呢個鮮美同口感，同之前嘅湯係有分別的，就係因為甘濃郁，先至可以做出美味嘅龍蝦汁黎點綴成盤菜式。聽落真係一啖啖心血既結晶品，大廚對美食嘅執着同埋每道細節嘅講究，令人折服。終於明白點解佢受無數食客愛載嘅原因。
Moelleux Chocolate HK 98
這道朱古力心太軟配開心果雪糕及紅莓醬，砌開心太軟蛋糕，濃郁既朱古力味慢慢流出來，朱古力香濃， 口味正宗。
開心果雪糕口味較清淡，加埋甜甜酸酸既紅莓醬食就啱啱好。Latte and cakes
法式甜品實在令人唔捨得離開，呢度嘅環境亦都令人置身於皇宮嘅感覺，最後我們叫咗杯latte ，再黎多碟小蛋糕甜品，慢慢嘆，順便girl talk 一下。
一口一甜食，幸福至極。Latte 雖然用奶較多，但呢杯latte 既咖啡香仍然脫俗，完全無被鮮奶蓋過。咖啡香而無苦澀味，一杯咖啡都做到盡善盡美，好感動。不知不覺坐左三個鐘，飲埋最後一啖咖啡，為今晚完美既晚餐作結束。呢度每一道菜既創作、每一個出品既細節同精溢求精既態度、每項服務都貼心温馨。令客人除左有愉快既美食既體驗外，更係精神既放鬆同享受既好地方。
果然名不虛傳！會再度光臨！
Post
