茶餐廳2.0 (Closed)

平時經過大埔中心附近有間好開陽的餐廳一直都好想試吓，而且知道佢係新開張的，激勵我去食一餐晚飯。特別一讚餐廳員工非常友善，而且態度殷勤親切，隨即俾咗四杯水我哋。餐牌中西合璧，朋友想吃小菜就揀選了好抵食嘅小菜套餐-乾蔥豆豉雞煲及豉汁蒸倉魚，都只係$168兩款。先來一個紅蘿蔔例湯，清清地也很鮮甜。遠處已經聞到乾蔥豆豉雞煲香味，而且雞件嘅份量都幾多，雞肉肉質鮮嫩，還有些汁可以撈飯，好滋味。平時好少係屋企食住家菜，有條魚食下都好開心🥳，豉汁蒸倉魚蒸得恰到好處，魚肉好爽滑，而且鮮味四溢，又係撈飯一流。套餐包含清炒時蔬一份，我哋就揀選了蒜蓉炒西蘭花🥦，估唔到炒得幾有鑊氣，而且好入味。套餐中點了檸檬蜜暖一暖胃。雞蛋仔是這裏的招牌菜就當然叫了一底，由於即叫即整，所以食落去好香脆可口。朋友就叫了其他菜式，同樣話好滋味，下次一定會再encore。