Video
Read full review
2021-04-30
145 views
識B仔👶🏻嘅朋友，都知我係邊爐控，曾經試過連打6日邊爐面不改容，人稱「聞邊喪膽大家姐」🤣。今日早收工就約咗朋友，一齊去咗銅鑼灣嘅呢一間台式火鍋店打躉😄。餐廳喺銅鑼灣嘅美食集中地vpoint樓上，一上去就見到一片開揚嘅銅鑼灣夜景，靚得好浪漫，可惜係同女仔黎，哈哈哈。.飲品：打邊爐怕熱氣，叫咗兩杯涼茶，◆紫貝天葵同◆竹蔗茅根，前者酸度高，後者甜度高，個人比較鍾意解膩嘅紫貝天葵。-拼盤：◆三色鮮製面（甘筍、菠菜、墨汁）◆雜菌拼盤◆雜菜拼盤三心兩意，又鍾意試多款口味嘅我哋，叫咗呢三款拼盤。三者擺盆得好別緻。菇菌爽口，雜菜新鮮，但要說我最鍾意都係佢個鮮製面，橙、綠、黑三色，繽紛得黎顏色自然，一睇就知唔係色素，而麵條質地亦都非常彈牙，整體感覺竟然唔輸最鍾意嘅公仔麵打邊爐。-◆肥媽墨汁腸 係台灣香腸嘅味道，香香甜甜，衣薄餡濃，必叫之選。-◆紙豆腐洽完之後同腐皮差唔多，索汁之選。-◆開心小企鵝Very kawaii嘅雙色墨魚丸，個嘴仔係用杞子造成，小朋友絕對鍾意，亦係打卡之選。-◆黑松露餃非常濃郁，一咬落去就黑松露香氣四溢，而且蝦肉大大粒，皮雖然唔算非常薄，但彈牙有咬口，厚少少都無損美味。-◆即炸手工
.
飲品：
打邊爐怕熱氣，叫咗兩杯涼茶，◆紫貝天葵同◆竹蔗茅根，前者酸度高，後者甜度高，個人比較鍾意解膩嘅紫貝天葵。
-
拼盤：
◆三色鮮製面（甘筍、菠菜、墨汁）
◆雜菌拼盤
◆雜菜拼盤
三心兩意，又鍾意試多款口味嘅我哋，叫咗呢三款拼盤。三者擺盆得好別緻。菇菌爽口，雜菜新鮮，但要說我最鍾意都係佢個鮮製面，橙、綠、黑三色，繽紛得黎顏色自然，一睇就知唔係色素，而麵條質地亦都非常彈牙，整體感覺竟然唔輸最鍾意嘅公仔麵打邊爐。
-
◆肥媽墨汁腸
係台灣香腸嘅味道，香香甜甜，衣薄餡濃，必叫之選。
-
◆紙豆腐
洽完之後同腐皮差唔多，索汁之選。
-
◆開心小企鵝
Very kawaii嘅雙色墨魚丸，個嘴仔係用杞子造成，小朋友絕對鍾意，亦係打卡之選。
-
◆黑松露餃
非常濃郁，一咬落去就黑松露香氣四溢，而且蝦肉大大粒，皮雖然唔算非常薄，但彈牙有咬口，厚少少都無損美味。
-
◆即炸手工響鈴
對豆品一定有種說不出嘅愛，響鈴香脆富油香，豆腐紙就豆味清晰濃郁，兩者各有千秋。
-
◆酒火入鍋
五格獨特木瓜鍋
呢個木瓜鍋造就左成晚美味嘅打邊爐，除咗中間嘅酒醉木瓜湯之外，旁邊仲有蕃茄波士頓龍蝦鍋、清湯蘿蔔牛腩、四川麻辣鍋同潮汕沙嗲鍋。一次過試足晒五個唔同嘅味道，當中龍蝦鍋同牛腩鍋都係有餡料，前者更係有半隻龍蝦。
-
◆黑毛豬腩肉玫瑰拼盤
質素不俗，肥瘦參半，豬味頗濃，而且重點係佢卷成玫瑰花狀，非常吸睛，每一朵玫瑰花都由4塊豬腩肉組成。
Post
