Video
Read full review
2020-01-27
353 views
依晚係我期待已久嘅omakase夜🌃，無幾耐之前先至第一次踏足灣仔日月星街嘅小社區，上次經過我已經發現鮨月呢間日本料理，單望見個「鮨」字，我就估計係有得食omakase，上網一睇就知道我嘅推斷無錯😝，見到好似幾正咁喎，而且夜晚食都係$980(+10%)一位，廚師發辦以言唔算太貴，就即刻book咗位。我邀約咗個至愛食日本嘢嘅港女friend(講笑XD)陪我食，我哋七點半鐘準時去到，餐廳店員安排咗我哋坐喺bar枱位置，仲好好咁畀咗個籃我哋放袋😊。每一位店員全程都好友善，不斷幫我哋換碟同斟茶，又同我哋傾偈，其中短髮女店員仲好鬼幽默。由於係廚師發辦👨🏼🍳，我哋唔使睇餐牌之餘，仲帶有一份神秘感，永遠唔知下一樣會食啲乜，有乜食哈哈。餐具嘅🐼熊貓筷子座同🦉貓頭鷹牙簽筒好可愛。Omakase開始喇！真鯛刺身配上黃柚子鹽，鮮味無比，富有口感，薄薄一片顯得非常晶凝通透✨。至於海膽豆腐配上北海道海膽，師傅建議我哋用匙羹舀嚟食，呢個海膽雙重奏嘅組合又係令人津津樂道，海膽好甜😚。北海道厚岸蠔，超大隻！利申我本身一般生蠔，但師傅落左🍋檸檬汁辟腥，夾埋海葡萄一齊食都幾好味。粒貝刺身🐚，師傅話已經落咗啲岩鹽吊味，不
我邀約咗個至愛食日本嘢嘅港女friend(講笑XD)陪我食，我哋七點半鐘準時去到，餐廳店員安排咗我哋坐喺bar枱位置，仲好好咁畀咗個籃我哋放袋😊。每一位店員全程都好友善，不斷幫我哋換碟同斟茶，又同我哋傾偈，其中短髮女店員仲好鬼幽默。
由於係廚師發辦👨🏼🍳，我哋唔使睇餐牌之餘，仲帶有一份神秘感，永遠唔知下一樣會食啲乜，有乜食哈哈。
餐具嘅🐼熊貓筷子座同🦉貓頭鷹牙簽筒好可愛。
Omakase開始喇！真鯛刺身配上黃柚子鹽，鮮味無比，富有口感，薄薄一片顯得非常晶凝通透✨。至於海膽豆腐配上北海道海膽，師傅建議我哋用匙羹舀嚟食，呢個海膽雙重奏嘅組合又係令人津津樂道，海膽好甜😚。
北海道厚岸蠔，超大隻！利申我本身一般生蠔，但師傅落左🍋檸檬汁辟腥，夾埋海葡萄一齊食都幾好味。
粒貝刺身🐚，師傅話已經落咗啲岩鹽吊味，不過亦可以點wasabi食，我就鍾意後者，正。粒貝口感非常爽口。題外話，佢提我哋唔好將wasabi加落豉油度。
醬油漬炙燒中拖羅，呢個係我最鍾意食嘅一道菜之一😋。首先我係炙燒控，凡係灸燒過嘅刺身我都覺得特別好食。第二係佢個組合好正，吞拿魚配埋赤大根一齊食，上面仲有啲紫蘇葉同芝麻👍。不過我估唔到呢個係凍食嚟。
食壽司前，師傳為我哋送上冰頭漬(google完先知點寫😂)，即係三文魚頭/咀嘅軟骨，用甘草醃酸酸哋，幾開胃，而口感就似海蜇。另外，我仲吔多幾塊薑。師傅介紹🍣壽司有五款，會根據味道由淡到濃咁上，而每一件上嘅時候已經加咗醬油，唔使再點。
鱸魚壽司，上面係酒浸嘅甘菊，魚肉非常煙韌，味道清甜完全唔腥😌。
魴鮄壽司，恕我孤陋寡聞，但我真係未聽過呢隻魚🙈。不過又幾好食，而且依件嘅辣味比較重，用上胡椒所以麻麻哋(麻辣個麻)，再搭上柚子中和一下。
皮剝壽司，估唔到🐟皮剝魚嘅口感幾爽。而上面嘅膏狀，係由魚肝磨碎咗再整返成的，成嚿一齊食，整體好夾。
赤蝦壽司，師傅介紹呢種🦐蝦口感比較爽，但味道就淡啲。不過我覺得蝦嘅味道一啲都唔淡，相反非常濃郁，而且蝦上面仲有松葉蟹膏麵豉同海葡萄。成個味道好豐富，我個人認為係五件壽司入面最好食嗰種。
鹿兒島a4和牛壽司，🐮燒咗嘅牛筋配埋係咁二燙過下嘅和牛，入口即溶。不過wasabi搶左少少味，扣咗少少分。
KO壽司後，就係汁煮螺🐚，都有幾多粒下，而且每粒都大大粒，而個汁甜甜地，唔錯。不過懶懶嘅我突然要自己用手撩啲螺肉出嚟，有啲唔慣，哈哈🤣。
汁燒太刀魚，以🍢串燒造型咁上。剛剛燒出嚟，所以夠晒熱，做到皮脆肉滑；魚皮輕輕塗上醬汁，唔會搶咗魚肉嘅鮮味。
炒鮑魚，依個好好味呀，主要係個汁濃而不膩，應該係牛油乘醬油咁炒吧。再者，就係切粒鮑魚完全唔韌，呢樣真係好難做到，我成日食完鮑魚都會覺得難消化，但呢個唔係👍。
到咗天婦羅系列，有三樣。首先係蝦🍤，好食但無乜驚艷嘅感覺。而明太子釀青椒就幾正，因為我本身鍾意食明太子✌🏻。最後就係鱈魚白子，第一次食唔知乜嚟，口感粉粉哋，雖然無乜奇怪味，但我大約估到係乜。而師傅問完我哋之後就開估，答案係鱈魚嘅精囊😂😂😂，長知識了。
蟹肉茶漬飯，依樣係last一樣鹹食，份量都唔少，食埋真係飽哂。呢個湯幾香，入面有唔少櫻花蝦同真蟹籽蟹肉，無偷工減料。但個飯🍚真係要趁熱食，凍咗爭好遠。
最後甜品就係柚子雪芭🍊， 雪芭個味本身唔錯，但配上紅豆成件事真係錯哂🙊，一啲都唔夾，好似食pizza點豉油咁哈哈。老實講，士多啤梨🍓同柚子都唔多match。
話雖如此，我唔會覺得因為個甜品而令到呢餐變得美中不足，因為成晚廚師發辦嘅菜都令我好滿意，無論係刺身、壽司或者熟食，都真心好正。$1,000就咁聽落唔平，但omakase有上述咁好嘅質素真係變得物有所值😉，又唔係日日食，間唔時食一次真係好開心好滿足嘅。
環境方面，裝修不乏日式嘅味道🏮，不過啱啱去到嗰陣個冷氣好似唔係好夠，有少少熱，但後尾正常返。另外，餐廳仲有啲outdoor seat，好chill咁。題外話，餐廳keep住播咗好多我熟悉嘅廣東歌，成個氣氛變得好親切好casual😊。
總括嚟講，呢一餐係令人大滿足嘅廚師發辦盛宴，真不枉我期待咗咁耐，💯一百分推介！
Post
