Video
Read full review
2018-03-08
790 views
同姐妹喺尖沙咀搵飯食，無睇openrice，行入亞士厘道之後見到一個黃色四方形招牌：八吉，樓下易拉架見到係居酒屋之類嘅日本餐廳，誤打誤撞就衝左上樓。Walk-in都差D無位！我地被安排坐近壽司吧嘅角落，一坐低侍應就比熱毛巾我地抹手同有兩小碟前菜-一邊係雞蛋、一邊係麻醬淮山同秋葵，好清新。之後侍應奉上餐牌同捧住是日靚魚介紹俾我地，不過我地無咩心水，所以最後揀左刺身拼盤、生蠔、吉列豬排同黑毛和牛釜飯。刺身拼盤：性價比都高，原條魚刺身、蝦、三文魚、帶子等等，新鮮、食落口唔係一口雪，最好係拼盤裡面有薑蓉，侍應提議我地薑蓉撈落鼓油蘸魚食，非常清新無腥味！日本生蠔半打：蠔肉飽滿甜美唔腥亦無蠔殼碎，加上特製醋汁，好好味吉列豬排：脆漿鬆脆、豬扒軟滑有油香，蘸上豬扒醬，非常滿足黑毛和牛釜飯：有耐性先有得食！因為上台之後要繼續煲多25分鐘先食得！不過個飯我地最後先食，當然沒有問題啦～煮好之後侍應打開比我地影相先，不過個樣好其貌不揚-有啲似肉餅飯但係當侍應幫我地撈均分落碗之後，成件事又唔同曬⋯⋯聞到個飯有陣清新嘅味道，飯質有啲黏，應該係加左山藥嘅效果，黏黏滑滑口感特別又清新！和牛攪匀後同米飯、甘筍同牛蒡混為
Walk-in都差D無位！我地被安排坐近壽司吧嘅角落，一坐低侍應就比熱毛巾我地抹手同有兩小碟前菜-一邊係雞蛋、一邊係麻醬淮山同秋葵，好清新。
之後侍應奉上餐牌同捧住是日靚魚介紹俾我地，不過我地無咩心水，所以最後揀左刺身拼盤、生蠔、吉列豬排同黑毛和牛釜飯。
刺身拼盤：性價比都高，原條魚刺身、蝦、三文魚、帶子等等，新鮮、食落口唔係一口雪，最好係拼盤裡面有薑蓉，侍應提議我地薑蓉撈落鼓油蘸魚食，非常清新無腥味！
日本生蠔半打：蠔肉飽滿甜美唔腥亦無蠔殼碎，加上特製醋汁，好好味
吉列豬排：脆漿鬆脆、豬扒軟滑有油香，蘸上豬扒醬，非常滿足
黑毛和牛釜飯：有耐性先有得食！因為上台之後要繼續煲多25分鐘先食得！不過個飯我地最後先食，當然沒有問題啦～煮好之後侍應打開比我地影相先，不過個樣好其貌不揚-有啲似肉餅飯但係當侍應幫我地撈均分落碗之後，成件事又唔同曬⋯⋯聞到個飯有陣清新嘅味道，飯質有啲黏，應該係加左山藥嘅效果，黏黏滑滑口感特別又清新！和牛攪匀後同米飯、甘筍同牛蒡混為一體，落入口中有清甜味道、有和牛嘅牛肉同牛油香味。意想不到，賣相最一般竟然最好味！
總評：除左和牛一類比較貴，其他食物價錢都不算貴。服務殷勤友善。座位空間一般（因為係居酒屋）。啤酒都唔貴，邊飲邊食都幾過癮！
最buy個和牛釜飯，價錢唔貴，有和牛又好味
Post
