小甜甜 (Closed)

其實一路以來都知道有呢間舖頭o既存在，但係門面實在騎呢，甜品fusion 川菜，點食呢？一場黎到，當然要試過擔擔麵。講真，食擔擔麵真係好唔低，簡單D黎講，只不過係楊春麵，但見佢有埋甜品，膽粗粗試試la。麵質認得出係普通上海幼麵，不過不失。至於湯底，色水就有la，味道欠奉，麻味不足，亦算不上是辣；花生碎同肉鬆唔見蹤影，完全無哂人生樂趣。就係諗住俾硬紅牌出場時，侍應端上腐竹白果糖水，嘩！正！自己煲個D真係要企埋一邊。糖水足料又夠滑，仲有薏米tim! 凍食簡直係至高享受。我明白點解糖水fusion 川菜la，大家各自亙補不足，淨買糖水午市會無客，於是搞埋川菜；但係川菜又唔拖唔水，所以要有糖水幫補下。完全明白了！