Mamaday (Closed)

依間應該都係最出名嗰幾間良心小店，而且環境同食物都夠曬打卡able，照顧曬視覺同味覺感受，難怪日日都要等勁耐，今次淨係等一個鐘已經算快。入到去成個環境偏暖色，加埋牆上面有好多好抵死嘅牆畫五顏六色咁好靚，成個氣氛好舒服影相一流。雖然佢主要賣點好似係個環境咁，但其實啲嘢食一啲都唔差，推薦試下個炸魷魚圈墨魚滑墨汁燉飯，唔係淨係得個黑字，調味啱啱好味道好濃好香，份量都好大份，啱曬一大班friend share嚟食。除咗依啲都仲有好多唔同選擇，pizza，小食，意粉之類咩都有，實有樣嘢啱食，值得一試。