Video
Read full review
2024-08-17
502 views
超多情侶去Bochord打卡事關真係勁靚！佢哋參照上一個世紀貴族嘅圖書館做裝修，門口個招牌已經可以打卡，入到去超級驚喜。黃昏時候去到，玻璃窗透陽光入嚟，環境超級優美，每一個地方都係打卡位！晚上有live band表演，慶祝周年就最啱！tasting menu真係好正，每一道菜都好用心。要讚吓佢哋自家製酸種麵包，第一次見居然有青醬牛油同海鹽牛油，青醬牛油好特別，加咗少少香料味道濃郁，口感軟滑。Celina de Wagyu Beef Carpaccio十二個月醃製西班牙和牛片，睇落以為係普通風乾火腿，原來係靚靚和牛！加咗食用花同埋青辣椒醬汁，食落更加惹味。Spanish Red Prawn Carabinero墨魚汁西班牙紅蝦他他好特別，睇落似甜品。墨魚汁製作成圓形啫喱，視覺效果靚，紅蝦他他帶海鮮甜味，香甜百香果醬更見創新。Hokkaido King Scallop新鮮北海道帶子整成他他，用昆布、蘆筍打成做啫喱片，視覺效果一流，超級靚！食落酸酸甜甜，味道新穎！Bouillabaisse我非常欣賞嘅海鮮湯，職員先準一碟海鮮俾，然後即時倒湯落去，入面有齊蝦、鮑魚、蜆等等海鮮，味道極度香濃。L
要讚吓佢哋自家製酸種麵包，第一次見居然有青醬牛油同海鹽牛油，青醬牛油好特別，加咗少少香料味道濃郁，口感軟滑。
Celina de Wagyu Beef Carpaccio
十二個月醃製西班牙和牛片，睇落以為係普通風乾火腿，原來係靚靚和牛！加咗食用花同埋青辣椒醬汁，食落更加惹味。
Spanish Red Prawn Carabinero
墨魚汁西班牙紅蝦他他好特別，睇落似甜品。墨魚汁製作成圓形啫喱，視覺效果靚，紅蝦他他帶海鮮甜味，香甜百香果醬更見創新。
Hokkaido King Scallop
新鮮北海道帶子整成他他，用昆布、蘆筍打成做啫喱片，視覺效果一流，超級靚！食落酸酸甜甜，味道新穎！
Bouillabaisse
我非常欣賞嘅海鮮湯，職員先準一碟海鮮俾，然後即時倒湯落去，入面有齊蝦、鮑魚、蜆等等海鮮，味道極度香濃。
Lime sorbet
有個青檸雪葩隔一隔，少少哋清一清口腔。
Spanish Sardine Confit
西班牙油封沙丁魚配上朝鮮薊、白蘆筍同荷蘭醬，用料特別，而且整得超靚。沙甸魚嘅油脂好豐富，用白蘆筍中和一下，整個菜式味道又唔會過分強烈。
Smoked French Eel pasta
法式煙燻鰻魚意大利粉，原來意粉係自家製師傅自己做，口感軟熟容易入口。鰻魚有強烈煙燻香氣，咬落去彈牙肉質厚實，醬汁香濃，有種芝士香。
Charcoal Griled As Miyazakigyu Rib Cap
日本嘅牛真係冇得輸，炭燒宮崎牛頂蓋肉，屬係矜貴位置。油脂花平均色澤靚，側邊嗰啲邊邊位係有少少焦香。
Mango Mousse Pandan Cake
芒果慕絲班蘭蛋糕，有濃濃斑斕味唔，非常之軟滑。
📍 Bochord (銅鑼灣)
銅鑼灣告士打道280號世貿中心11樓1101號舖
Post
