CoCo壹番屋 (朗豪坊)

Open Now

Now Closed

見到幅圖影到好似好好食咁，之前都無食過呢一間，抱住試一試嘅心態食下。本身個咖哩飯$60，再另外加咗$16買2個item，薯條同埋一杯汽水。首先份薯條我有啲被人呃咗嘅感覺，張紙唔係攝入個兜到，只係平放咁，裝到嘅薯條其實得好少。不過少唔緊要，因為啲薯條係唔好食，唔係熱，而且無薯仔味，呢細兜仔我最後係無食哂。杯汽水，我係叫咗走冰，但職員無入單，俾咗有半杯冰嘅汽水我，要去再換過。講返主菜，個奄列係唔錯，份量夠，亦有啲蛋味。不過個咖哩就太淡，就係食緊啲好鹹嘅醬，而塊豬扒亦都係鹹，無豬扒味。成個餐都令我好失望，總共$76，可以揀過個好啲嘅選擇。