湖舟壽司‧小料理 (Closed)

今日朋友想去銅鑼灣揾食，我當然奉陪啦，見呢度D相好吸引，就立刻Book枱。我哋準時到達，Waitress 好快就安排我哋坐tatami個邊，環境都幾舒服，我點了特上三色丼($200)，而朋友就要蟹肉三色丼($185)。我的特上三色丼先到，賣相很好，見到都開心，先食Salad，有蟹柳、青瓜和麵，都幾好味，跟住要試三色丼啦，首先食啖三文魚子，好新鮮呀，咬落去卜卜聲，雖然咸咗少少，同D飯一齊食啱啱好，食啖海膽先，味道十分濃，但嗒落去又有少少苦味，好彩同飯一齊食就唔多覺有苦味，最好味嘅就係碎葱吞拿魚，唔算很肥美，但好味道。再加上隻温泉蛋，真喺好飽。仲有蒸蛋和湯，兩樣都幾好味。朋友嘅蟹肉三色丼賣相也很好，但蟹肉淡咗D，冇乜味，三文魚子新鮮，好味道，海膽味道很濃。朋友很喜歡嗰miso soup，話好好味喎！好飽呀！仲有綠茶雪糕，又幾好味喎。想唔食都唔得tim。